Hilassi Ergaano 14:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Hilassi Ergaano 14:23 Referans Kwoze

Tiito 1:5

Kireete kaatabe, ꞌdee hili goorat dabare khumissa, toro la iꞌdi goorat an kiidah u, ilkerengeeto tuumman ka ewweenki urur Kiriisto woyo soobihissa.

Hilassi Ergaano 11:30

Waha yeeleene, Barnaba ichoow Saawulo gargaari lasoobahche idiibeene, ewweenki urur Kiriisto woyo iergeen.

Yaakoobo 5:14

Etoo goytiin ka a khannanyahe? Ewweenki urur Kiriisto woyo a waho, a iweesti, magahi Kamur ka subah ka matah a subho.

2 Timooti 2:2

Wahanyeyyohi at ikadaagte an ꞌdooꞌdi ittaawenye garteey laabo ortiis ka idah la, ꞌdooꞌdi lakakhuufo ꞌdee ꞌdooꞌdi addan abin yabuuꞌd kori.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

1 Timooti 5:22

Etoo dowwa on dahan akorinne weynaanti urur Kiriisto woyto akayeelin. Iꞌdaas ka uskeelicho ma leegisanto. Ati rubeytaah la miꞌdab iskayeel.

Hilassi Ergaano 20:17

Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween.

3 Yoohana 1:1

Khadaaba eti soochiiro a anihi ewweenenye urur Kiriisto woyo. Eti an isoochiiro a ati, Gaayohi aaleeyenye an weyti rum ka ꞌdoono.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

1 Timooti 5:1

Makhaabali kaaween aleejaakhine, iꞌdaasenyi iꞌdi aabbahaah u uur miigooy. Mejeli nunnugul iꞌdi walaalinyetaah iwoywoy.

Hilassi Ergaano 15:6

Ergaano ichoow ewweenki urur Kiriisto woyo ba jeenteti aytuu tossateen.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”

Luuka 23:46

Yeesso la hooyi buure ka riire, wihi us yidah, “Aabba, rubeyteey dahantaahha soogessa!” Chuꞌus yeeda massiche ka massate.

Marko 3:14

Et tomon ichoow lamma soobahsate, ergaanotiis kayeesse ꞌdee usu leejirta, toro leergata Yeedi Waakh cheekta.

Luuka 2:37

makhaabaliche buje. ꞌDeerka muunkho eheete ichoowka guꞌh tomon siyyeet ichoow guꞌh affar eleesse. Iche la injire minki Waakhe buure ma kabahine, iꞌdaasenyi ibeen ichoow maalim ba Waakh on wahatta, af hidatta toro weysatta.

Hilassi Ergaano 1:24

ꞌDeerka Waakh wahteen, “Kamur, ati uurassi enenyet tuumman a garatta. Maantaka ꞌdooꞌda lammatiis ki at soobahsatte,

2 Koriinto 8:19

Wahaas kaldach on menye, eta toro urur Kiriisto soobahche ꞌdee nah walhicha baaysiha nah leekhaata. Nah siintane mujjum woywoyna ꞌdee Kamur lakoolicha toro la saggi inno ꞌdooꞌdaas weyti gargaar iꞌdoonno laka laarga.