Hilassi Ergaano 14:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen.

Hilassi Ergaano 14:21 Referans Kwoze

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 14:1

Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.

Hilassi Ergaano 14:6

Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Hilassi Ergaano 13:14

Ilkerengeetti Beerga kakaheene ilkerengeetti Antiyookhiya boroofenhi Bisiidiya kijirto irteen. Seeri Lanaso ka minki weysiite Yaꞌhuud geleene orronteen.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Hilassi Ergaano 16:2

ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke.

Hilassi Ergaano 15:36

Inkoo geeddoo lafiddiye ka Baawulo wihi us Barnaba iyidah, “Kaale a nokhanni ꞌdooꞌdi Kiriisto rummeeste ilkerengeetohi goorat inno Yeedi Kamur kacheekne kijiro tuumman a tabno, saggi icho ijiraan a sooagarro.”

Hilassi Ergaano 14:8

Ilkerengeetti Luussira ka etoo luhlo laaye, uus ladele injire isohan a jire.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 14:7

Intaas ka orey isohteene Wori Haaggan cheekeen.

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.