Hilassi Ergaano 14:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 14:19 Referans Kwoze

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.

2 Koriinto 11:25

Kol seyyah ꞌdooꞌdi Rooma wulo ka ijahe, maantoo dagah liikachibe. Kol seyyahe koobanhi buurenye an kijire bar waayeen. Maalinkoo goya ween ibeenkiche khabto bey goya on kijire.

Hilassi Ergaano 14:5

ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen.

Hilassi Ergaano 13:45

Chirri ꞌdooꞌdi Yaꞌhuud ururi buure arge ka, inaaf buuhiche, wihi Baawulo essi abaareen.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.

Hilassi Ergaano 7:58

khaatte, ilkerengeet khariche ijiitte, dagah ka saate. ꞌDooꞌdi gar laabe etoo nugule intaas kajire Saawulo layadeeh darfohichoki oroot tuumman ikatabeen.

1 Koriinto 15:31

ꞌDooꞌd Kiriistokaaw, weyti katirriinsada adeehe, an kol dakkhan omoote itoolla! Wihi an tissibo an bihin atin kaguꞌddo, inno ichoow Yeesso Kiriistohi Kamureene ba a wohoo kalday.

Hilassi Ergaano 17:13

Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen.

Hilassi Ergaano 9:16

Anna sinati usu latuso jeenteti us keey iyahuu iche tusa.”

Hilassi Ergaano 22:20

Maanti Isiteefano jeenteti us woraah icheeko liiyigis, ani rubeyteey intaas a kajire, ogoossiis ayyiche, darfohi ꞌdooꞌdi usú yigis yaakhiche.’

Hilassi Ergaano 14:21

Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen.

Hilassi Ergaano 13:14

Ilkerengeetti Beerga kakaheene ilkerengeetti Antiyookhiya boroofenhi Bisiidiya kijirto irteen. Seeri Lanaso ka minki weysiite Yaꞌhuud geleene orronteen.

Hilassi Ergaano 14:1

Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 14:4

ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah.

Hilassi Ergaano 14:18

Yeedaas tuumman ka laka ergaano nyife ꞌdooꞌd soorriyoti kootte us icho igoon leheet kaholisse.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 15:26

Barnaba ichoow Baawulo la jeenteti hil Yeesso Kiriistohi Kamureene u jiroticho adahe gateen.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.

1 'Dessaloonika 2:14

ꞌDooꞌd Kiriistokaaw, atin laka dabati ururreti Waakhe ili Yaꞌhuudiya kijirto Yeesso Kiriisto kakhuufte on raahteen. Saggaas ꞌdooꞌdi Yaꞌhuud icho sina ikawaariche, iche atin laka ꞌdooꞌdiin sina atin ikawaariche.