Hilassi Ergaano 14:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Iꞌdaasenyi Waakh haaggi us yeelo ka saggi us rumanka ijiro enenyet a tuse. Hiri us atin siicho ichoow gurnaanki yeerassicho ka delo ka uuri ꞌdabakhe a atin tuste. Gololi buure la a atin siiche, rubeyohiin la hamaad buuhiche.”

Hilassi Ergaano 14:17 Referans Kwoze

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Mattaayo 5:45

Iꞌdaakka nyaakhuti Aabbahiinki serey jiro tateehiin. Us ꞌdooꞌdi sussuuje ichoow ki hahhaaggan ba orrah a isookorcha, ꞌdooꞌdi fiffissan ichoow ki khokkhollokkhan ba hir siicha.

Hilassi Ergaano 14:18

Yeedaas tuumman ka laka ergaano nyife ꞌdooꞌd soorriyoti kootte us icho igoon leheet kaholisse.

Hilassi Ergaano 17:26

Etoo kalday on ka yaafohi harra tuumman soouume ꞌdee harra tuumman furtaane, toro inti icho furtaan ichoow maanti icho furtaan a gooche.