Hilassi Ergaano 14:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ “Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Hilassi Ergaano 14:15 Referans Kwoze

Yaakoobo 5:17

Eliiya weeli enenyete iꞌdeene on eheete, weyti Waakh wahte, hiri ilaas iꞌdeyin daahe, guꞌh seyyah ichoow nyuus la hir ꞌdeye mele.

1 Koriinto 8:4

Maantaka ayta gololi iyookkoyyohi waakkhakh lakayeessi liisoorriyooche layaham ka, saggi iyookkoyyoha harrata ka Waakh ieheynan a garanna. Saggi Waakkhi rummaate jiro la koo kalday on iyahe a garanna.

Hilassi Ergaano 10:26

Iꞌdaasenyi Beetero sookahche, “Sookah, annaka a weeli enenyet one!” iyidah.

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Hilassi Ergaano 4:24

Uus icho daageen ka, icho tuummamba Waakh isleewahteene, wihi icho yidaaheen, “Kamuri Miig Tuumman Leh, ati wihi serey ichoow harra ichoow beyohi burbuure goya kajiro tuumman soouunte!

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Ibiraaniya 3:12

ꞌDooꞌd Kiriistokaaw taba giꞌde, uus etiinkoo kalday laka matahmiigti Waakh liirummeysanne Waakkhi jiro lakatabo khabin giꞌde.

1 Timooti 3:15

Iꞌdaasenyi chiꞌ wohoo imalmalicheen laka, khadaaba a kisoochiira, ꞌdee jiroti innohi ururi Waakhe incheenka jirro abatta. Urura Waakh a ki Waakkhi jirtuu tuumman jiro, a tirrim ichoow daddaabohi ilaate runti Waakh tiiro.

Hilassi Ergaano 14:21

Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen.

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Bakkaahit 22:9

Iꞌdaasenyi herti Waakh wihi iche ani itidah, “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste Waákh íyeyyeedo ichoow ki wihi buugga kachiiran raahuu, a falfa Yeesso on. Waakh on waho!”

Bakkaahit 19:19

ꞌDeerka binahi oraat ichoow karnatohi tomonenye harrata ichoow kiyaticho ba ichohi sookulme ꞌdee eti faraꞌd fuulo ichoow kiyatiis dihoti Harmageedo layadeeh kiirti arge.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Hilassi Ergaano 27:25

Era, toollaka aburꞌdowina! Wihi tahe an Waakh a kakhuufa, iꞌdaas liiyidah on la tateeh.

Hilassi Ergaano 27:21

Inkoo ꞌdooꞌd geeddi deer golol laan fiddiye ka, Baawulo orcho tolossate, “Era chaꞌatin kootte waansiheey raahteene, kurti bicche dahcho kijirto Kireete inno fiddiine, ꞌdanota tuumman ma inno isoobahto, waha tuumman la ma waayno,” yidah.

Hilassi Ergaano 27:10

“Era, wihi an kase, chirri inno orey isohanne, meehi kooban kajiro a baaba, kooban laka uskulaataane, enenyet gaasoo laka tuuma,” iyidah.

Hilassi Ergaano 16:30

ꞌDeerka Baawulo ichoow Siila khar isoobahche, “Era, mehe yeela ꞌdee Waakh iriba?” worsate.

Hilassi Ergaano 14:7

Intaas ka orey isohteene Wori Haaggan cheekeen.

Hilassi Ergaano 13:32

“Nah Wori Haaggane atin icheekna. Wora la a ki Waakh aacchinyeteen iayyiche,

Hilassi Ergaano 7:26

Ibeenki kaas sooraaho ka, Muusa reeroo lammeenye Issiraayele isjaho arge, isineybin leheete, ‘Era, atin a walaal, a iꞌdoh isgaameerin iꞌdoontaan?’ iyidah.

Yoohana 5:26

Iꞌdi tahe saggi Aabbaheey enenyet jiro isiicho, iche Weeliis laka enenyet jiro isiicha.

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”