Hilassi Ergaano 14:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Urur la chirri us wihi Baawulo yeele arge ka, afichoki Ikooniyo ka riire, “Waakkhassi ittaawe maalinka uummanki enenyete inno ikayimaateen” yidaaheen.

Hilassi Ergaano 14:11 Referans Kwoze

Hilassi Ergaano 28:6

ꞌDooꞌd la Baawulohi sooyombobo suge ommos omoote kasuge. Iꞌdaasenyi inkoo icho geeddi deer sugeene, saggi Baawulo wohoo ikiitaahan icho argeen ka toro maloo addan dowteen. Wihi icho yidaaheen a mehe ya, “Usu a waakkhoo.”

Hilassi Ergaano 8:10

ꞌDooꞌdi ilkerengeeteet tuumman, ki wewween ichoow ki nunnugul laka yeediis a raaha, toro la mehe yadeehiin ya, “Eta a miigti Waakhe miigti buure layadeeh.”

Hilassi Ergaano 12:22

Urur la rirriire, “Weeli enenyet mee yeyyeedo, waakkhoo yeyyeeda,” yidaaheen.

Hilassi Ergaano 14:6

Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Hilassi Ergaano 14:12

Barnaba magah ibahcheene, Seewus yidaaheene, Baawulo la usu gon yeyyeede, Hermes yidaaheen.