Hilassi Ergaano 14:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

Hilassi Ergaano 14:1 Referans Kwoze

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

Hilassi Ergaano 14:21

Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Rooma 10:12

Waha mehe tusaan ya, eti Yaꞌhuude ichoow eti Yaꞌhuud ieheynan seley ma gaan. Kamur a Kamuri enenyet tuummane, ulla eti tuummane usu wahe, weyti imaala.

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Hilassi Ergaano 19:17

Chirri ꞌdooꞌdi Yaꞌhuud ichoow ki Yaꞌhuud ieheynane ilkerengeetti Efeesso kajiro tuumman wahaas daage ka, weyti burꞌdowe. Magah Yeessohi Kamure la weyti liinkaanyite.

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 17:12

ꞌDooꞌdi Yaꞌhuude ittaawe Kiriisto rummeeste. Deyyehoti ittaawenye magah khabto yaafohi Yaꞌhuud ieheynan ichoow mejeli yaafohi Yaꞌhuud ieheynane ittaawe laka Kiriisto rummeeste.

Hilassi Ergaano 17:4

ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.

Hilassi Ergaano 13:43

Inkoo ꞌdooꞌd minki weysiit kabahe ka, ꞌdooꞌdi Yaꞌhuude ittaawe ichoow ki wihi ꞌdooꞌdi Yaꞌhuud wahti rumanka iurgiye Barnaba ichoow Baawulo sooraahe. Baawulo ichoow Barnaba la leeyyeedeene, hawwaasteene, ꞌdee mujjum haaggi Waakhe buure a raaheen.

Hilassi Ergaano 11:21

Miigti Kamur icho a leejirte, ꞌdeerka ꞌdooꞌdi ittaawe wori Kamur rummeeste toro raahe.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 21:28

riireene, “Mejeli Issiraayeloow, nah gargaara! Eta a ki enenyet tuumman harra tuumman ka wihi suujenye us abcho ka ꞌdooꞌdeenki Issiraayel ichoow amurreteen ichoow minka Waakh miinsan kayeyyeedo. Waha kalday on menye, ꞌdooꞌdi Yaꞌhuud ieheynan iche minki Waakhe buure soogesse, meessa lagan biꞌdirrooche,” yidaaheen.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 17:17

ꞌDeerka minki weysiite Yaꞌhuud ka, ꞌdooꞌdi Yaꞌhuud ichoow ꞌdooꞌdi Yaꞌhuud ieheynane Waakh karooro laka leehawwooche. Maanti addan la sokko ka ꞌdooꞌdi us ꞌhele leehawwooche.

Hilassi Ergaano 16:1

Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 13:5

Chirri icho ilkerengeetti Salaamis eleeleen ka, minassi weysiite Yaꞌhuud ka Yeedi Waakh cheekeen. Yoohanahi magahiiskoo Marko layadeeh laka a leejire, gargaare.

Yoohana 12:20

ꞌDooꞌdi daawti Baasakka ka irte ilkerengeetti weene Yeerusaleem ka Waakh wahte, ꞌdooꞌdoo yaafohi Yaꞌhuud ieheynan laka goycho a kijire.

Yoohana 7:35

Weynaanti Yaꞌhuud isinokhatte wihi iche isworsatte, “Inta us irti, inno usu ikaꞌhelin a intoh? Inti ꞌdooꞌdeen kijiro yaafohi Yaꞌhuud ieheynan goya kataasanyahe iche irta yaafohi Yaꞌhuud ieheynan wori Waakh abcha?

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Galaatiya 2:3

Tiitohi wahalheeye, chuꞌus Giriig eheet laka, khandihi Yaꞌhuud khandiiti ma liiholin.

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Marko 7:26

Makhaabassa la a yaaftoo Yaꞌhuud ieheynane ili Siiriya ka intoo Foniikiya layadeehe kadelatte. Yeesso hawwaassatte, wihi iche itidah, “Ginna inanteey goya kabihi!”

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 16:2

ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.