Hilassi Ergaano 13:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Hilassi Ergaano 13:48 Referans Kwoze

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Rooma 11:7

Mehe ꞌdeerka nidaahe? ꞌDooꞌdi Issiraayel wihi us weyti yowte ma ꞌheline, iꞌdaasenyi ꞌdooꞌdi Waakh soobahsate iche waha ꞌhele. ꞌDooꞌdi addane Waakh ikakhuufin Waakh matahenyeticho a dagahnooche.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 11:52

Toro la Yeesso jeenteti yaaftaas kalday on ma iyamuute, iꞌdaasenyi jeenteti nyaakhuti Waakhe taasane iyamuute, ꞌdee ꞌdooꞌdi harra tuumman isikeena, wohoo kalday kayeela.

Efeesso 1:19

toro la miigtiisti wohoo liikeekkaanne innohi usu rummeysanne inno gargaarto, wihiche abattaan. Miigta ichoow ti

Hilassi Ergaano 2:41

ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.

Hilassi Ergaano 22:10

“Anna wihi an worsade, ‘Kamur mehe yeelo?’ “Kamur la wihi us iyidah, ‘Kahe, ilkerengeetti Damaasko iro, ꞌdee intaas ka wihi Waakh kiabbire at yeesso a lakisoocheeko.’

Luuka 7:8

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Rooma 13:1

Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 20:13

Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella.

Mattaayo 28:16

Abattiti tomon ichoow koowe iratte hali goorat Yeesso boroofenhi Gaalilaaya ka idowdowe iratte.

2 'Dessaloonika 3:1

Wihi ꞌdaꞌddaboot ꞌdooꞌd Kiriistokaaw, Waakh nah isoowaha, ꞌdee wor Kamureen dowwa a taaꞌho, inti us eleelo tuumman ka a liinkaanyito iꞌdi maanti goorat us atin sooeleele u.

1 Koriinto 16:15

Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde,

Hilassi Ergaano 15:31

Chirri ꞌdooꞌd khadaab soome ka weyti hamaadeen, jeenteti us uur imiigooche u.

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Hilassi Ergaano 13:42

Chirra Barnaba ichoow Baawulo minki weysiite Yaꞌhuud kabahaan ka, ꞌdooꞌd icho wahe ꞌdee Seeri Lanaso soomaro ka wahanyeyyohoo addan a icheekeen.

Hilassi Ergaano 8:8

ꞌDeerka ilkerengeettaas tuumman a hamaad kaldach on.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Hilassi Ergaano 13:12

Etaas ween chirri us wihi yitah arge ka Kamur rummeeste, a mehe wori Kamur miinsane laabche a kagirmeeste.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

Efeesso 1:5

orey on gooste, Yeesso Kiriisto ka, tuum nyaakhutiis inno kayeessa. Waha la a wihi us hamaadiis ichoow ꞌdoonintiis ka us gooche.

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,