Hilassi Ergaano 13:45 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁵ Chirri ꞌdooꞌdi Yaꞌhuud ururi buure arge ka, inaaf buuhiche, wihi Baawulo essi abaareen.

Hilassi Ergaano 13:45 Referans Kwoze

Yuuda 1:10

Iꞌdaasenyi ꞌdooꞌda wihi icho foolicho ikhabine leeabaarramaan. Icho laka iꞌdi binahi yibaate mal ikhabin u wihi uuricho kasoobaho on gartaan. Wahanyeyyoha on icho bakkichá.

Hilassi Ergaano 18:6

Iꞌdaasenyi chirri ꞌdooꞌdi Yaꞌhuud Baawulo tirrime icho usu leeabaarrameen ka, ebeeri darfohiis ijillaanjilliche saggi icho ikhufeen tuse. Wihi us iyidah, “Chirri atin baabaateen, atin on awtiin u isooya. Ani walah liiworsati mele. Uus toolla kakhabatti, an yaafohi Yaꞌhuud ieheynane iirda.”

1 'Dessaloonika 2:16

Icho nahi Wori Haaggane yaafohi Yaꞌhuud ieheynan icheekno ꞌdee Waakh icho ribo laka jeyine ꞌdoonaan. Iꞌda ka la, kol dakkhan uskeelichooda on weyti isibuuraachaan. Kola holi Waakh icho a sooeleele.

Hilassi Ergaano 19:9

Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche.

Hilassi Ergaano 5:17

Kuhaanihi weyti ween ichoow ꞌdooꞌdiiski usú raaho rabitti Sadukaayo kijiro ba jeenteti ergaanuu inaaf gele.

1 Beetero 4:4

Waha tuumman ka, aalassiinki oraat weyti atin kagirmeestaan chaꞌatin kola icho ikakhayine uskeeli buurenye icho iꞌdaanu yeelaan iyeelin. Icho la abaari noole atin korchaan.

1 Koriinto 3:3

Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a?

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Mattaayo 27:18

A mehe Bilaato saggi icho jeenteeti kalꞌdarri on u Yeesso dahanohiis igesseen a garta.

Yaakoobo 4:5

Ommos Chiirnaanneti Waakhe, “Rubeyti Waakh goyteen gesse inaafe leetahe,” elatti a immarah on a?

Galaatiya 5:21

kalꞌdarri, meleefu ichoow daawohi biꞌdire ichoow wihi iꞌdaase tuumman. Orey a atin tootooche, toro maanta a atin tootoocha, ꞌdooꞌdi jiroti iꞌdee jiro, dakhi Waakh ma gelo.

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 14:4

ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah.

Hilassi Ergaano 14:5

ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen.

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.