Hilassi Ergaano 13:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Inkoo ꞌdooꞌd minki weysiit kabahe ka, ꞌdooꞌdi Yaꞌhuude ittaawe ichoow ki wihi ꞌdooꞌdi Yaꞌhuud wahti rumanka iurgiye Barnaba ichoow Baawulo sooraahe. Baawulo ichoow Barnaba la leeyyeedeene, hawwaasteene, ꞌdee mujjum haaggi Waakhe buure a raaheen.

Hilassi Ergaano 13:43 Referans Kwoze

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Fiiliffi 4:1

Maantaka ꞌdooꞌd Kiriistokaaw, aalasseeyki an weyti ꞌdoono, atinhi an weyti atin ꞌdoono toro imoono, atinhi ikahamaadissaane toro la kalaꞌddi hileeye, wihi tuummane an atin isoocheeke ka, taba jiroti atin Kamur ijirtaan ka mujjum tolossada.

Fiiliffi 3:16

Wihi weyti khumman kallaayo, orey on isohanni, yeedi rummaate inno orey abanne, uliba laka a raahno giꞌde.

Efeesso 2:8

A mehe Waakh haaggiiski buurenye atin ikamalin ka a atin ribe. Ribnaanka la kakhuufnaanki atin usu kakhuuftaane kayamiit. Waha la wihi atin kayimiy menye, a siinti Waakh one,

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

2 Koriinto 5:11

Maantaka nah Kamuri lakarooro wihiis a garanna gone, hole downa weeli enenyet hawwaassanna. Waakh wihi nah nahe khuuf on garta, toro an a khajjeela atin laka rubeyohiinki haag ichoow suujoon seley saaho ka wihi nah nahe khuuf a garattaan.

Rooma 11:6

ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Rooma 3:24

Iꞌdaasenyi Waakh jeenteti haaggiiski buurenye inno imunneynan u enenyet iꞌdaanu ꞌdooꞌdi ortiis ka fiffissan iekkaacha. Jiti us iꞌda kayeele la a ki us Yeesso Kiriisto ka inno gatte.

Hilassi Ergaano 17:34

ꞌDooꞌdoo rucchul la Baawulo raahe Kiriisto rummeeste. Goycho ka, koo a etoo jaldaabti toli Ariyobaagenye Diyoonissa layadeeh ichoow makhaabassoo Daamaris layadeeh ichoow ꞌdooꞌdoo addan.

Hilassi Ergaano 17:4

ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.

Hilassi Ergaano 16:14

Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta.

Hilassi Ergaano 14:3

Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen.

2 Beetero 3:14

Maantaka aalasseeyki an weyti ꞌdoono, geeddi atin wahaas sugtaan weyti tirriinsada, ꞌdee atinhi usu nebey ikhabtaane uskeeloo rucchul laka ikhabine eloo rucchul laka ikhabin a atin sooeleelo.

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 17:17

ꞌDeerka minki weysiite Yaꞌhuud ka, ꞌdooꞌdi Yaꞌhuud ichoow ꞌdooꞌdi Yaꞌhuud ieheynane Waakh karooro laka leehawwooche. Maanti addan la sokko ka ꞌdooꞌdi us ꞌhele leehawwooche.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Hilassi Ergaano 2:10

ichoow ti Furiijiya ichoow ti Bambiiliya ichoow ti Miissiri ichoow yaafti ili Kureene haggeenye Liibiya layadeeh ichoow martiti ilkerengeetohi Rooma katimiy. Martitaas gaasoo

Mattaayo 23:15

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin harra tuumman ichoow beyohi burbuurenye tabtaane, ꞌdee etoo kalday wihi ꞌdooꞌdi Yaꞌhuud wahti iurgiyissaane, chuꞌus atin sooraahe ka, weyti ꞌdirihiin baabiissaan. Saggi atin meessi ꞌdabi armaanjireen iirattaan u, etaas laka ꞌdirihiinna baabiissaane meessi ꞌdabi armaanjireen irta.

1 Yoohana 2:28

Maantaka nyaakhuteeyki an weyti ꞌdoono, taba Kiriisto goytiis fiddiya, ꞌdee maanti us soobaho ka, uus inno roorro khabine toro la uryaawin emeettiis ka.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

Hilassi Ergaano 18:7

Baawulo ꞌdeerka minki weysiit kabahe, minki etoo Tiitiyo Yaasto layadeehe minkiis minki weysiit khuccho irte. Eta la a etoo weyti Waakh karooro.