Hilassi Ergaano 13:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Usu ka eti tuummane usu rummeeste, Waakh eti fissane iekkaacha. Iꞌdaasenyi amurre Muusati laraaho ka, Waakh etoo kalday laka eti fissan ma iekkaacho.

Hilassi Ergaano 13:39 Referans Kwoze

Galaatiya 2:16

Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.

Rooma 10:4

Kiriisto jiti amurre Muusa laraaho ꞌdee enenyet ꞌdooꞌdi fiffissan lakayeelo a massiche, ꞌdee eti tuummane Kiriisto rummeeste, Waakh eti fissan iekkaacha.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Ibiraaniya 7:19

A mehe amurre Muusa walah tuum ma kayeesso. Iꞌdaasenyi khajjeeli inno toolla khabno, khajjeeli goorat inno khabne khuuf on kadeefa, Waakhe inno idowwaachaa.

Rooma 10:10

Iꞌdi tahe uuraahha Yeesso karummeysatta, wahaas la mehe delaan ya, Waakkhi eti fissan kiekkaacho. Toro la chaꞌat ꞌdow ka saggi at Yeesso rummeysatti cheekto, waha mehe delaan ya, Waakkhi kiribo.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

Rooma 5:9

Diig Kiriisto ka, Waakh ꞌdooꞌdi fiffissane inno iekkaache gone, geeddoo meheenye Kiriisto ka holi Waakh inno lakariba?

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Ibiraaniya 10:11

Kuhaaniyyo ebba maan dakkhan chalag ortiis ka hiliissa haaggicha, soorriyoyyohaas koloo kalday laka uskeel ibihin babbahchaan.

Ibiraaniya 10:4

Iꞌdi tahe diiggi heeraroot ichoow ki waharoot koloo kalday laka uskeel ma bahchaan.

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Rooma 4:24

Iꞌdaasenyi ayta inno laka a inno ichiirantahe. Chiꞌinno Waakkhi Yeessohi Kamureene omoot kasookahche inno rummeysanni, Waakh inno laka ꞌdooꞌdi fiffissane inno iekkaacha.

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

Galaatiya 5:3

Toro a katirriinsada adeehe, etiinki jeentetaas liikhandiyo, wihi lakaꞌdoono a usuhi wihi amurre Muusa ꞌdoonto tuumman raaho.

Galaatiya 3:8

Chiirnaanneti Waakh saggi Waakh berri yaafohi Yaꞌhuud ieheynan kakhuufnaanki icho usu kakhuufaan ka ꞌdooꞌdi fiffissan iekkaacho a cheekte. Waakh ꞌhor on Wori Haaggan Aburaaham icheeke, wihi us iyidah, “Ati ka yaafohi harra tuumman a liimaala.”

Galaatiya 2:19

A mehe amurre Muusati an raahe ka, woynaanki amurretaas iwoyte a massate, ꞌdee Waakh ijira.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

Rooma 9:31

Iꞌdaasenyi, ꞌdooꞌdi Issiraayel amurre Muusati laraaho jiti Waakh icho ꞌdooꞌdi fiffissan iekkaacho a yowteene, toro la ma ꞌhelin.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Luuka 18:14

“Wihi an atin icheeko, inkoo icho goob inokhteen, eti addan menye, etane Waakh ortiis ka eti fissan liiekkaache. A mehe eti tuummane isweynaacho a lanuglaacha, eti isnuglaacho la a laweynaacha.”

Luuka 10:28

Yeesso wihi us ilaabe, “At a eysiisse, tab giꞌde wahaas yeele, ꞌdee jiroti imassan ꞌhel.”

Luuka 10:25

Maantoo etoo tagaanki amurree, usuhi Yeesso kajo ꞌdoona, tolossate, wihi us worsate, “Eti ween, mehe yeelo ꞌdee jiroti jirtuu imassan ꞌhelo?”

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.