Hilassi Ergaano 13:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² “Nah Wori Haaggane atin icheekna. Wora la a ki Waakh aacchinyeteen iayyiche,

Hilassi Ergaano 13:32 Referans Kwoze

Rooma 4:13

Wihi inno garanni, Waakh goorat Aburaaham ichoow nyaakhut nyaakhut Aburaaham ayyinti us igooche a mehe ya, harra tuummane dalhaan. Aburaaham jeenteti us amurre Muusa iraaho ayyinta ma iꞌheline, iꞌdaasenyi jeenteti us Waakh ikakhuufe usu eti fissan liiekkaache, iche Waakh ayyinta igooche.

Hilassi Ergaano 26:6

Wihi toolla liikahukkumo la, a jeenteti an wihi goorat Waakh aacchinyeteenyo iayyiche khajjeel ikakhabo.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Hilassi Ergaano 13:38

“Maantaka yaaftaay wihi an atinhi abattaan ꞌdoono, Yeesso ka, jiti uskeeliin atin liikakuto a atin liicheeke.

Rooma 10:15

ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Luuka 2:10

Iꞌdaasenyi herti Waakh wihi iche ersimo itidah, “Roorro akhabina. Iꞌdi tahe ani Wori Haaggane ꞌdooꞌd tuumman kahamaadicho atin ikeene.

Luuka 1:19

Herti Waakh wihi iche ilaabte, “Ani a Gaabiriyel. An Waakh ortiissa toolla, Waakkhane isooergate ꞌdee wora haaggane an kikeene kicheeka.

Hilassi Ergaano 10:36

Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.

Hilassi Ergaano 13:23

“Waakh la hiiy Dawuud ka, iꞌdi goorat us iayyichuu, Yeesso ꞌDoorribehi yaafohi Issiraayel kayeele.

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Rooma 1:2

Wora Haaggane goorat archiiy on Waakh ꞌdooꞌdi Waákh íyeyyeedo ka ayyiche, icho la Chiirnaanneti Waakhe munyee goya kachiireen la,