Hilassi Ergaano 13:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 13:15 Referans Kwoze

Ibiraaniya 13:22

ꞌDooꞌd Kiriistokaaw, a atin hawwaasde, taba, wihi an khadaabaar rucchul ka atin iidahye uur atin miigoocho, nabah isuda giꞌde.

Hilassi Ergaano 15:21

A mehe uus goorat archiiy ilkerengeetohi wewween tuumman ka wihi amurre Muusa miinsan a lacheeke, toro la Seeri Lanaso tuumman ka minki weysiite Yaꞌhuud ka a lasooma.”

Marko 5:22

ꞌDeerka etoo ꞌdooꞌdi minassi weysiite Yaꞌhuud itoollo kichokoowenye Yaayiro layadeeh intaas yimiy. Yeesso arge, luhlohiis kakufe,

1 Koriinto 14:3

Iꞌdaasenyi eti wori Waakh kaayyeedo enenyete leeyyeeda, ꞌdee enenyet disa, uur miigoocha, toro la uur khoboocha.

Rooma 12:8

Chirri siintaah ti enenyet uur lamiigoocho tahe, tab enenyet uur miigooy. Chirri siintaah ti enenyet walah lasiicho tahe, tab uuri haaggan ka enenyet walah sii. Chirri siintaah ti enenyet lawoyo tahe, tab enenyet mujjum woy. Chirri siintaah ti enenyet uur liinugleesti tahe, tab hamaad ka enenyet uur inugleyso.

Hilassi Ergaano 22:1

Baawulo wihi us yidah, “Yaaftaay ichoow ooyenyeey, bal geedda an ortiin ka isiyeyyeedo idagansada.”

Hilassi Ergaano 18:17

Geeddi icho isoobahin, icho tuumman eti minki weysiite Yaꞌhuud itoollo Soosteena layadeeh khabteene, kootiin ortiis ka jaheen. Iꞌdaasenyi Gaalliyo wahaas ma ibaalin ba.

Hilassi Ergaano 13:27

ꞌDooꞌdi ilkerengeetti weene Yeerusaleem ichoow weynaanticho ba Yeesso eti us rumanka yahe ma kasin. Iꞌdaasenyi maanti icho omoot igoocheen, wihi goorat ꞌdooꞌdi Waákh íyeyyeedo chiire, Seeri Lanaso tuumman lasoomo buuhicheen.

Hilassi Ergaano 20:2

Ulla ilaas tuumman dah kagooche, ꞌdooꞌd Kiriisto wori ittaawe ka uur miigooche, ꞌdaꞌddaboka ili ꞌHellas gele,

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 7:2

Waha ka wihi us laabe, “Yaafeey idagansada. Waakkhi weynaane tiis tahe, aabbaheenki Aburaaham layadeeh geeddi goorat archiiy us ilkerengeetti weene Haaran igelin, ili Messabotaamiya ka a isoobahe.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Hilassi Ergaano 2:29

“Yaafeey, wihi aacchiheenki karnatenye Dawuud layadeeh miinsan roorro laane atin abcha. Dawuud a yumuyye, lahawwaale. Kaassintiis la ichoow uliba intane inno kaleejirta.

Hilassi Ergaano 2:4

Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Luuka 16:16

“Chiirnaanneti Amurre ichoow ti ꞌdooꞌdi Waákh íyeyyeedo tuumman ꞌdooꞌd a liicheeke ichoowka Yoohanahi Enenyet Baattissiyo yimiy. Uus maantaas, Wori Haaggane dakhi Waakh miinsan enenyet a liicheeka. Ebba la usuhi miigtiis ka dakhaas gelo marma.

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

2 Koriinto 3:14

Iꞌdaasenyi malassicho a ladagahnooche. Iꞌdi tahe ichoowka maanta laka chirri icho buuggassi ayyinti raagane Waakh gooche soomaan a iꞌdoo malassicho dafar lakoogooge. Dafarta uliba a jirta. Iꞌdi tahe maanti etoo ichoow Kiriisto ba wohoo kalday yitaaheen kalday on dafar lakayegcha.

1 'Dessaloonika 2:3

A mehe wori nah enenyet icheekne khollookh ma kijirine ommos mali suuje ma kasoobahine ommos ekkeysi ma eheynan.