Hilassi Ergaano 13:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Ilkerengeetti Beerga kakaheene ilkerengeetti Antiyookhiya boroofenhi Bisiidiya kijirto irteen. Seeri Lanaso ka minki weysiite Yaꞌhuud geleene orronteen.

Hilassi Ergaano 13:14 Referans Kwoze

Hilassi Ergaano 16:13

Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene.

Hilassi Ergaano 17:2

Baawulo la iꞌdi orran us yeeluu irte, minki weysiit irte. Intaas ka teeba seyyah issoorahto Seeri Lanaso tuummamba leejire, wihi Chiirnaanneti Waakh tadeeh idowdowe,

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 13:5

Chirri icho ilkerengeetti Salaamis eleeleen ka, minassi weysiite Yaꞌhuud ka Yeedi Waakh cheekeen. Yoohanahi magahiiskoo Marko layadeeh laka a leejire, gargaare.

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Hilassi Ergaano 13:44

Seeri Lanaso soomaro ka ꞌdooꞌdi ilkerengeettaas kajiro buurtiis yimiyye Yeedi Kamur dagansate.

Hilassi Ergaano 13:42

Chirra Barnaba ichoow Baawulo minki weysiite Yaꞌhuud kabahaan ka, ꞌdooꞌd icho wahe ꞌdee Seeri Lanaso soomaro ka wahanyeyyohoo addan a icheekeen.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Luuka 4:16

Yeesso ilkerengeetti Naasarete lakasooweynaache inokhte. Seeri Lanaso ka iꞌdi orrangateet u minki weysiite Yaꞌhuud irte. Ulla tolossate Yeedi Waakhe ꞌdooꞌd isoomaa.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.