Hilassi Ergaano 13:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Hilassi Ergaano 13:1 Referans Kwoze

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

Hilassi Ergaano 15:35

Iꞌdaasenyi Baawulo ichoow Barnaba geeddoo ilkerengeetti Antiyookhiya fiddiyeen. ꞌDooꞌdoo addane ittaawe khabaani Yeedi Kamur cheekeen.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Hilassi Ergaano 13:9

Saawulohi magahoo ka Baawulo layadeehe Rubeyti Munyee buuhisse Eelimaas indo katoolliche wihi us iyidah,

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

Hilassi Ergaano 15:32

Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.

Luuka 3:1

Waakh saahka ínam Sakkariiyaki Yoohana layadeeh hidaad ka wori us ꞌdooꞌd icheeko siiche. Maantaas la Kaaysarhi Tibeeriyas layadeehe guꞌh tomon ichoow chan karnati ili Rooma tuumman eheet. Boontiyo Bilaato la gaafanahi boroofenhi Yaꞌhuudiya eheete, ꞌHerood Antiiba la boroofenhi Gaalilaaya itoolla, walaaliiski Fiilif layadeeh la boroofenhi Itureeya ichoow Tirakoniiti itoolla, Laysaniyas la usú boroofenhi Abileen itoolla.

Fiiliffi 4:22

ꞌDooꞌdi Waakhe inta kajiro tuumman a atin soobariitiche. Kach ka la ꞌdooꞌdi min Kaaysar hil kahaaggicho a atin soobariitiche.

Galaatiya 2:13

ꞌDooꞌdi addane Yaꞌhuud laka usuhaas iskaayyeelo ikhaye, iskaayyeelnaankaas ka, Barnaba laka labaabiiche.

1 Koriinto 9:6

Ommos ani ichoow Barnaba kalday on hil haagginna ꞌdee golol kaꞌhella?

Rooma 16:21

Timootihi ullaka hil Kiriisto ka iwalhicho a atin soobariitiche. Luukiyo ichoow Yaason ichoow Soosibatiro laka a atin soobariiticheen. Icho a yaaftaaya.

Hilassi Ergaano 21:9

Ulla inám affar idisneynane wori Waakh kaayyeeddo iche khaba.

Hilassi Ergaano 19:6

Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen.

Hilassi Ergaano 11:30

Waha yeeleene, Barnaba ichoow Saawulo gargaari lasoobahche idiibeene, ewweenki urur Kiriisto woyo iergeen.

1 'Dessaloonika 5:20

Wori ꞌdooꞌdi Waákh íyeyyeedo atin icheeko aꞌdarraawina.

Hilassi Ergaano 12:25

Chirri Barnaba ichoow Saawulo hilicho buuhicheen ka, ilkerengeetti weene Yeerusaleem kasoonokhteene, Yoohanahi magahoo Marko layadeeh khaatteene ilkerengeetti Antiyookhiya irteen.

Hilassi Ergaano 9:1

Geeddaas tuumman la Saawulo abattiti Kamur uliba ogoose ꞌdoona. Kuhaanihi weyti ween iirte,

Mattaayo 27:32

Chirra icho bahaan ka, etoo ilkerengeetti Kureene magahiis Siimon layadeeh ꞌheleene, massalaaba Yeesso sinnaan ihosseen.

1 Koriinto 11:4

Eti mejelenye urur Kiriisto goyaka weesti ommos wori Waakh kaayyeedo matakkiis la ogooganyahe, matakkiissa lakhaanyo kadowa.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

1 Koriinto 13:8

ꞌDoonine koloo kalday laka ma massatti. Iꞌdaasenyi farniinki ꞌdooꞌdi Waákh íyeyyeedo a massata, afassi Rubeyti Munyee kayamiit a gammadichaane, wihi lagarti tuumman la a kutaan.

1 Koriinto 14:29

Et lamma ommos et seyyah Waákh a iyeyyeeddo, ꞌdooꞌdi addan la wihi leessi mujjum goya a fiiricho.

1 Koriinto 14:32

ꞌDooꞌdi Waákh íyeyyeedo rubeyohicho a jeycha.