Hilassi Ergaano 12:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.

Hilassi Ergaano 12:4 Referans Kwoze

Luuka 22:33

Iꞌdaasenyi wihi us ilaabe, “Kamur, an a geeddi an jeela kileegelo, toro kileeamuut laka.”

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Hilassi Ergaano 4:28

Wihi sooyateehe at ꞌdoonintaah ichoow miigtaah ka orey goosse yeeleen.

Hilassi Ergaano 4:3

Beetero ichoow Yoohana khabatte, jeela gelisse, saahta leesugte, il a gelebnowe gone.

Yoohana 21:18

Yeesso toro wihi us iyidah, “Rume kisoocheeka, maanti goorat at nugussahe, a sookahta, darfo gessatta, meessi at iran ꞌdoonto tuumman iratta. Iꞌdaasenyi maanti at araarrowte, dahanohaah a oogta, etoo addan la gaad kigessa, inti at iran iꞌdoonin kigeecha.”

Mattaayo 26:5

Wihi icho isiyidaaheen, “Iꞌdaasenyi uus inno daawta goyaka khaban, enenyet a geeddi us hol ka il baabiicho.”

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Hilassi Ergaano 8:3

Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.

Hilassi Ergaano 5:18

Ergaano sookhabatte jeelati ilkerengeeteet ka hidde.

Yoohana 19:23

Inkoo iskare Yeesso massalaaba kakaahte ka, gaaddiisti saraat et affar ka gisante. Dafartiisti goyaatteet la a dafartoo kaldache ma tolan la.

Marko 14:1

Ibeen lamma ankhane ꞌdee daawti Baasakka ichoow Daawti Makaateti Liikhasin lagela. Kuhaaniyyohi wewween ichoow tagaammeti amurre la ekkeysi ka saggi iche Yeesso ikhabatti ꞌdee itagiise yowatta.

Hilassi Ergaano 12:3

ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen.

Hilassi Ergaano 12:5

Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.