Hilassi Ergaano 12:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.

Hilassi Ergaano 12:20 Referans Kwoze

Luuka 16:8

“Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Hilassi Ergaano 12:21

Ibeenkoo isliigooche ka ꞌHerood darfohiiski karnannoon gessate komborti antoot koorronte, ꞌdooꞌd itolche.

Hilassi Ergaano 21:3

Chirri nah kurti bicche dahcho kajirto Kuuburo layadeeh agarre ka, anki gurro tabne, ili Siiriya isohannaa. Inti ilkerengeetti Tiiro layadeeh ka iranne, bicche aficho tolossanne, koobane intaas ka meeh yagchaa.

Hilassi Ergaano 21:7

Inkoo nah ilkerengeetti Tiiro kakahne ka, sohanne ichoowka ilkerengeetti Tollemayo gelle. Intaas ka ꞌdooꞌdi Kiriisto rummeeste bariitinne ibeenkoo leefiddiine.