Hilassi Ergaano 12:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Inkoo iskar ꞌHerood weyti Beetero yowatte waayte ka, ꞌHerood iskar wowworsate amur bahche iskar omoot igooche. ꞌHerood ꞌdeerka ili Yaꞌhuudiya kakahe irte ilkerengeetti Kaaysareya geeddoo fiddiye.

Hilassi Ergaano 12:19 Referans Kwoze

Hilassi Ergaano 16:27

Chirri eti jeela toorribo sookahe, us saggi afaf ifurayyihiin arge ka, kol ꞌdooꞌdi hihhidan firde koogyahee, birlabiis sooꞌhiire isigaasan leheet.

Hilassi Ergaano 21:8

Ibeenki kaas sooraaho ka, kahne ilkerengeetti Kaaysareya iranne, kooban kasooyegne. Intaas ka minki eti Wori Haaggan taaꞌhicho Fiilif layadeeh fiddiine. Fiilif la a etoo ꞌdooꞌdi goorat teebeenye Yeerusaleem ka lasoobahsate golol ꞌdooꞌd gise.

Hilassi Ergaano 12:6

Ibeenki ꞌdee saahka ꞌHerood Beetero soohukkumo ka, Beetero et lamma iskareete dahcho urꞌda, biingo lamma lakahide, tooba etoo iskareete lakahide, iskarti lammeenye aritti jeela toorribto la a jirta.

Hilassi Ergaano 12:4

Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.

Hilassi Ergaano 8:40

Iꞌdaasenyi Fiilif inkoo us ilkerengeetti Assotos ka issookase ka, ilkerengeeto tuumman dah kagooche, Wori Haaggan cheeke ichoowka Kaaysareya eleele.

Mattaayo 2:13

Inkoo makhaaballeti bakkaalle yeyto nokhatte ka, hertoo Kamur Yuussuf issillo ka isoobahte. Wihi iche itidah, “Kahe weel ichoow abartiis ba khaate ili Miissiri ifirid. Intaas fiddiye ichoowka ani a kisoocheeko. A mehe ꞌHerood dowwanoha weel ogoose yowtaa.”

Hilassi Ergaano 27:42

Iskare la mali iche khabte, a ki iche ꞌdooꞌdi hihhidan bakkisso, iicho bicche taagine firdinee.

Hilassi Ergaano 25:13

Inkoo ibeennetoo kutte ka karnati ꞌHerood Agiribbahi lammaatteete makhaabassoo Beernike layadeeh khabaayi ilkerengeetti Kaaysareya yimiy, Feestase bariitichaa.

Mattaayo 2:16

Inkoo ꞌHerood saggi makhaaballeti bakkaalle yeyto iekkeysatte kase ka, weyti hollowe. Amur bahche nyaakhuti lallabe guꞌh lamma khabo ichoow ki guꞌh lamma ieleelinne, ilkerengeetti Beꞌdeleheem ichoow ilkerengeetohi isoodow kajiro tuumman a labakkicho yidah. Guꞌhassa lammee ichoow maanti makhaaballeti bakkaalle yeyto karnat icheekte a israahaan.

Mattaayo 2:1

Yeesso ilkerengeetti Beꞌdeleheeme boroofenhi Yaꞌhuudiya kijirto iche lakadele. Maantaas la, ꞌHeroode karnati ilaase. Inkoo Yeesso desse, makhaaballetoo bakkaalle walah kaabatti iloo beri katimiyye, ilkerengeetti weene Yeerusaleem timiy.

Hilassi Ergaano 12:18

Baryo ka, iskarti Beetero toorribto mal gele, jeenteti wihi Beetero kayitah u.