Hilassi Ergaano 12:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ ꞌDooꞌd la wihi us inám iyidah, “At a sirgo!” Iname la matah miigeysatte, “Mele, a rum,” itidah. Icho la toro, “A hertiisti Waakh,” iyidaaheen.

Hilassi Ergaano 12:15 Referans Kwoze

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Hilassi Ergaano 26:24

Geedda Baawulo isiyeyyeedo ka, Feestas Baawulo kariire wihi us iyidah, “Baawulo at a sirgo! Soonnaankaahki buure a kisirgooche!”

Luuka 24:11

Iꞌdaasenyi abatti deyyeho rummeysawwaayte, a mehe icho ka yeedi liidowo a wihi ilmarhaatteet on.

Marko 16:14

Yomboka golossataani Yeesso ichehi tomon ichoow koowe isoobahe. Jeenteti icho kakhuufnaanki icho usu kakhuufaan ikhabin ichoow matahmiigti icho wori ꞌdooꞌdi inkoo us omoot kasookahe arge irummeysan u, leejaakhe.

Marko 16:11

Chirri icho saggi Yeesso inoolyahe ichoow saggi iche iagarte daageen ka, rummeysawwaayeen.

Luuka 22:59

Inkoo geeddi sahaꞌddoo lafiddiye ka etoo addan Beetero arge toro wihi us yidah, “Rumanka reenka laka usú a leejire a mehe ullaka a ꞌdooꞌdi Gaalilaaya.”

Hilassi Ergaano 12:16

Iꞌdaasenyi geeddaas tuumman Beetero afaf on soojaha. ꞌDaꞌddaboka afaf fureene, chirri icho Beetero argeen ka weyti girmeesteen.