Hilassi Ergaano 12:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Beetero ꞌdeerka neybaate, wihi us yidah, “Toolla rumanka a uba, Kamur hertiistoo a isooerge, hiinaan ꞌHerood ichoow wihi tuummane ani isooyateehe ꞌdooꞌdi Yaꞌhuud garti ikaribe.”

Hilassi Ergaano 12:11 Referans Kwoze

2 Beetero 2:9

Kamur ꞌdeerka saggi us ꞌdooꞌdi aytiis raaho sinayyohi kajo ikasoobahcho a garta. Toro la ꞌdooꞌdi uskeel yeelo saggi us sina iomhicho ichoowka ibeenki us ꞌdooꞌd hukkumo yateeh laka a garta.

Hilassi Ergaano 5:19

Iꞌdaasenyi ibeen ka, hertoo Kamur afafhi jeela furte, ergaano bihisse.

Luuka 15:17

“Maanti matah soonokhte, masse wihi us uuriis goyaka yidah, ‘ꞌDooꞌdi aabbaheey kireeste gololi yaakho us yahame ichoowka us soowaacho a khaba, ani la kalla inta ka raarahe ikhaatta!

Hilassi Ergaano 12:7

Koloo kalday on hertoo Kamur soobahte, minki ꞌdooꞌd lakahido banay kaababeen. Herti Waakh la Beetero barbar ꞌdaarte, “Dowwa sookah,” itidah. Chirraas on gaꞌdaarreti kootte Beetero dahano kahidan diddihte.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

Hilassi Ergaano 24:27

Inkoo guꞌh lamma kutte ka, eti Boorkiyo Feestas layadeeh meel Feelig gele. Iꞌdaasenyi Feelig usuhi ꞌdooꞌdi Yaꞌhuud jilhaati ꞌdoona, Baawuló jeela goya katabe.

Hilassi Ergaano 25:9

Feestas laka usuhi ꞌdooꞌdi Yaꞌhuud wohoo siicho ꞌdoona, wihi us Baawulo iyidah, “A geeddi at ilkerengeetti weene Yeerusaleem iratti intaas ka orteey ka lakihukkumo?”