Hilassi Ergaano 11:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ “Wihi an ilaabe, ‘Kamuroow, mele, iꞌdi tahe injire gololi liiumhane ommos biꞌdire afeey ma gelin.’

Hilassi Ergaano 11:8 Referans Kwoze

Rooma 14:14

Jeenteti ani ichoow Kamureenki Yeessee koo kalday inahuu, wihi an tissibo kallaayo, golol awtiis u biꞌdire mele. Iꞌdaasenyi, chirri etoo gololoo biꞌdir leeyahe, ꞌdeerka gololaas etaas ka a biꞌdir gon.

1 Koriinto 7:14

Iꞌdi tahe makhaabalicheki Kiriisto irummeysan jeentetichuu Waakh a munyaache. Makhaabassi Kiriisto irummeysan, jeenteti makhaabali Kiriisto rummeestuu Waakh iche a munyaache. Chirri iche iꞌdaas ieheynan la, nyaakhutiin ki ꞌdooꞌd Kiriisto mee. Iꞌdaasenyi saggi iche ijirtuu, nyaakhutiin Waakh a munyaache.

Marko 7:2

Abattitiistoo dahanohi biꞌdire kagolossatti, geeddi icho igolossan dahano idikhan argeen.

Hilassi Ergaano 11:7

Anna hooyi, ‘Beetero kahe, wahanyeyyoha agiise, aham,’ idowo daage.

Hilassi Ergaano 11:9

“Hooy la koli lammaatteet goobi Waakh ka sooyeede wihi us yidah, ‘Wihi Waakh munyaache wihi biꞌdire iikhaatin.’