Hilassi Ergaano 11:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Waha yeeleene, Barnaba ichoow Saawulo gargaari lasoobahche idiibeene, ewweenki urur Kiriisto woyo iergeen.

Hilassi Ergaano 11:30 Referans Kwoze

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Hilassi Ergaano 12:25

Chirri Barnaba ichoow Saawulo hilicho buuhicheen ka, ilkerengeetti weene Yeerusaleem kasoonokhteene, Yoohanahi magahoo Marko layadeeh khaatteene ilkerengeetti Antiyookhiya irteen.

Yaakoobo 5:14

Etoo goytiin ka a khannanyahe? Ewweenki urur Kiriisto woyo a waho, a iweesti, magahi Kamur ka subah ka matah a subho.

Tiito 1:5

Kireete kaatabe, ꞌdee hili goorat dabare khumissa, toro la iꞌdi goorat an kiidah u, ilkerengeeto tuumman ka ewweenki urur Kiriisto woyo soobihissa.

1 Timooti 5:17

Ewweenki urur Kiriisto woyo urur mujjum dakhti a imasse chiꞌ liinkaanyito kalaꞌd laguto, kach ka la ewweenki Yeedi Waakh cheeko enenyet walah abcho wahaas a liiyeelo.

Hilassi Ergaano 20:17

Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween.

Hilassi Ergaano 16:4

Geedda icho kolba ilkerengeettoo irtaan la, ayti goorat ergaano ichoow ewweenki urur Kiriisto woyo ilkerengeetti weene Yeerusaleem ka goocheen iche ꞌdooꞌd Kiriisto icheekaane ꞌdee a raaheen.

Hilassi Ergaano 15:6

Ergaano ichoow ewweenki urur Kiriisto woyo ba jeenteti aytuu tossateen.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.

1 Timooti 5:19

Wihi etoo ewweenki urur Kiriisto woyo lakacheekti nabah iisudin sammata et lamma ommos et seyyahe gartaas ilaabin.

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

Hilassi Ergaano 12:1

Geeddassaas on ka karnati ꞌHerood Agiribba layadeeh urur Kiriisto goyaka ꞌdooꞌdoo khabte, usuhi sina omhicho ꞌdoonaa.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

3 Yoohana 1:1

Khadaaba eti soochiiro a anihi ewweenenye urur Kiriisto woyo. Eti an isoochiiro a ati, Gaayohi aaleeyenye an weyti rum ka ꞌdoono.