Hilassi Ergaano 11:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Wihi icho iyidaaheen, “At minassi ꞌdooꞌdi ikhandiyanne iratte icho leegolossatte.”

Hilassi Ergaano 11:3 Referans Kwoze

Hilassi Ergaano 10:28

Beetero la wihi us ꞌdooꞌdaas iyidah, “Weyti a garattaane amurreteen eti Yaꞌhuude yaafohi addan kachimmamo ommos minassicho gelo a buusantahe. Iꞌdaasenyi Waakh mehe ituse ya, an et an a biꞌdir ommos a suuj adeeh mele.

Galaatiya 2:12

Iꞌdi eheneet, ꞌdooꞌdoo Yaꞌhuude Yaakoobo kayimiy a jire. Geeddi ꞌdooꞌda iimaatan, Beetero ꞌdooꞌdi yaafohi Yaꞌhuud ieheynan a leegolossata. Iꞌdaasenyi inkoo ꞌdooꞌdaas Yaꞌhuud yimiy, Beetero yombo inokhte, ꞌdooꞌdi us leegolossati kagowe. Waha a jeenteti us ꞌdooꞌda Yaꞌhuude, yaafohi addane lakhandiyo ꞌdoono ikarooro.

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.

1 Koriinto 5:11

Iꞌdaasenyi khadaabi an soochiire ka, ꞌdooꞌdi an soomiinsade a ki, Kiriisto rummeesde isyadeehe, iꞌdaasenyi sohoꞌddarri kaassohti, ꞌdamaamenye ommos iyookkoyyohi waakkhakh lakayeessi wahti ommos ꞌdooꞌdi addan hanti ommos meleefeenye, ommos enenyet kakharaawo. ꞌDooꞌdi iꞌdee aleegolossanna laka.

Hilassi Ergaano 10:48

ꞌDeerka amur ibahche, magah Yeesso Kiriisto ka icho a labaattissiyo. Icho la Beeterohi geeddoo icho leefiddiyo daaheen.

Hilassi Ergaano 10:23

Beetero ꞌdeerka ꞌdooꞌd min goya iwahe martiiste. Ibeenki kaas sooraaho ka Beetero ꞌdooꞌd raahe. ꞌDooꞌdoo ilkerengeetti Yooba ka Kiriisto rummeeste laka Beetero raahe.

Mattaayo 9:11

Farissaayo chirri iche waha agarte ka, wihi iche abattitiis worsatte, “Eti atin iween a iꞌdoh ꞌdooꞌdi kooddi goocho ichoow ki uskeel leh ileegolossata?”

Yoohana 18:28

Baryo ka ewweenki Yaꞌhuud Yeesso min Kayaafa kakhaate, minki buurenye gaafanahi Roomee geeche. Ewweenki Yaꞌhuud la minki etaas goya ma gelin, iꞌdi tahe ichohi geeddi icho gololi daawti Baasakka iumhan isbiꞌdirroocho ma ꞌdoonaan.

Hilassi Ergaano 10:32

Toolla ilkerengeetti Yooba enenyet ierege, etoo Siimon layadeehe magahoo ka la Beetero layadeeh a soowaheen. Us minki etoo Siimon layadeeh ka a marti. Eta la ukto mujjummoocha, beyti buurenye afiche yaal.’