Hilassi Ergaano 11:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.

Hilassi Ergaano 11:26 Referans Kwoze

1 Beetero 4:16

Iꞌdaasenyi chiꞌ jeenteti at koo Kiriisto itahuu sina kitaham uuryaawine, jeenteti magah Kiriisto liikaawahuu Waakh kooli.

Hilassi Ergaano 26:28

Agiribba ꞌdeerka wihi us Baawulo iyidah, “Kol at geedda rucchul on ka et Kiriisto ikayeesso koogtahe?”

1 Yoohana 2:27

Atin ka la, Kiriisto Rubeyti Munyee ka a atin subhe. Subahnaanka us atin subhe la goytiinna fiddiya. Maantaka etoo addane wihi rummaat atin abcho ma ꞌdoontaan. Iꞌdaasenyi Rubeyti Munyee walah tuumman a atin abissa, wihi iche atin abisso la been menye, a rum. Maantaka iꞌdi Rubeyti Munyee atin iabissuu, taba giꞌde Kiriisto goytiis fiddiya.

1 Beetero 4:14

Chirri jeenteti at koo Kiriisto itahe lakaabaaro, ati Waakh a kimaale. Iꞌdi tahe Rubeyti weynaan lehe toro Rubeyti Waakhe a kileejirta.

Efeesso 3:15

A mehe ꞌdooꞌdiiski goobi Waakhe saraat ichoow ki harrata usu magah kaꞌhelaan.

1 Koriinto 14:23

Maantaka chirri urur Kiriisto tuumman kulme, ꞌdooꞌd tuumman la afassi Rubeyti Munyee kaayyeedo, ꞌdooꞌdi afassaas igaran ommos ꞌdooꞌdoo Kiriisto irummeysan atin isoogele, atin iꞌdaakka sirgo ma iyokkanaattaan a?

1 Koriinto 12:12

Sarti enenyet a too kaldach on, chirri iche miilassi ittaawe khabto laka. Toro la chirri miilal ittaaw yahiin laka, sartoo kaldache yeelaan. Sar Kiriisto laka a iꞌdaas on.

1 Koriinto 11:18

Wihi kolooraat, chirri atin iꞌdi urur Kiriistuu kulantaan, wihi an daage a mehe ya, atin seleye goggootaane an la yeedaas geeddoo ka a rummeesda.

1 Koriinto 4:17

Jeentetane an Timootihi weeleeyenye an weyti ꞌdoono atin ikasooerge. Usu a koo Kamure, toro weyti lakakhuufa. Timooti saggi an sohoteey ka Yeesso Kiriisto iraaho a atin kasooꞌhelcha. Wahaas ichoow wihi an urur Kiriisto meelal tuumman ka abcho a wohoo kalday.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Bakkaahit 3:18

Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Hilassi Ergaano 11:27

Maanassaas ka ꞌdooꞌdoo Waákh íyeyyeedo ilkerengeetti weene Yeerusaleem kasookhubte ilkerengeetti Antiyookhiya yimiy.

Hilassi Ergaano 11:22

Urur Kiriistoki ilkerengeetti weene Yeerusaleem wora daage, icho la Barnaba ilkerengeetti Antiyookhiya iergeen.

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Yoohana 2:2

Yeesso ichoow abattitiis laka oroosaas a liiwahe.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 6:1

Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

Hilassi Ergaano 9:19

Saawulo la inkoo us golossate ka, miigowe. Ibeennetoo Damaasko ka abatti Kiriisto leejire.

Hilassi Ergaano 9:38

Yooba la ilkerengeetti Ludda ma kadeere, ꞌdeerka chirri abatti saggi Beetero ilkerengeetti Ludda ikajiro daagte ka, et lamma ergateene, hawwaasteene, “Bal dowwa nah sooeleel!” iyidaaheen.

Hilassi Ergaano 11:29

Abatti ebba gargaar geeddi us yabuuꞌd ꞌdooꞌdi Kiriisto rummeeste ili Yaꞌhuudiya ibihin gooche.

Hilassi Ergaano 14:20

Iꞌdaasenyi inkoo abatti Baawulo kakhaaratte ka, Baawulo sookahe icho raahe ilkerengeet leegele. Saahka usu ichoow Barnaba ba ilkerengeetti Deerbe ikaheen.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Hilassi Ergaano 14:28

ꞌDeerka geeddi deer intaas ka abatti leejireen.

Hilassi Ergaano 18:27

Maanti Aboollo ili Akhaaya ikahin ꞌdoone ka, ꞌdooꞌdi Kiriisto rummeeste ilkerengeetti Efeesso kijiro usu uur miigooche, abattiti intaas kijirto khadaab ichiireene, ꞌdee etaas a martiisteen. Maanti us intaas eleele ꞌdooꞌdi haaggi Waakhe buurenye inno imunneynan ka Kiriisto rummeeste weyti gargaare.

Hilassi Ergaano 19:9

Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche.

Hilassi Ergaano 20:1

Chirri kowdo goote ka, Baawulo abatti soowahe, inkoo us icho uur miigooche ka, “A Waakh atin bariisti,” iyidahye, ili Makedooniya ikahe.

Hilassi Ergaano 20:30

Berri goytiin ka laka ꞌdooꞌdoo wihi rummaat urgiyicho ꞌdee abatti ankicho ijiito a soobaha.

Hilassi Ergaano 21:4

Intaas ka abatti ꞌhelle, teebatoo leefiddiine. Icho la miigti Rubeyti Munyee ka Baawulo hawwaasteen uus ilkerengeetti weene Yeerusaleem iran.

Yaakoobo 2:7

Kamurre menya magah Yeesso Kiriistoki liinkaanyito atin lakawaho igafto?