Hilassi Ergaano 11:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Miigti Kamur icho a leejirte, ꞌdeerka ꞌdooꞌdi ittaawe wori Kamur rummeeste toro raahe.

Hilassi Ergaano 11:21 Referans Kwoze

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Luuka 1:66

Eti tuummane yeeda daage la mal gele, wihi islaworsate, “Weela ꞌdeerka berri mehe yateeh?” Wihi tahe, saggi miigti Kamur weela ileejirto iche laarga.

1 'Dessaloonika 1:5

Iꞌdi tahe maanti nah Wori Haaggan atin icheekne, woraas yeedi afoot kalday menye, miigti Rubeyti Munyee laka us a atin tuse. Wori Haaggane nah atin icheekne tuume rummeysanne. Toro la saggi fiddihi nah goytiin fiddiine iroonotiin ieheneet a garattaan.

Hilassi Ergaano 9:35

ꞌDooꞌdi tuummane ilkerengeetti Ludda ichoow ꞌdowhi Chaaron kajiro la Ayyenneya arge Kamur kakhuufe.

Hilassi Ergaano 11:24

Barnaba la a etoo haaggane, Rubeyti Munyee buuhto toro la Yeesso kakhuufo. ꞌDooꞌdi ittaawe la kamur kakhuufe.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 5:14

Eheetteey laka, enenyeti buurenye Kamur rummeeste, mejel ichoow deyyeho liikasookhaye.

Hilassi Ergaano 4:4

Iꞌdaasenyi ꞌdooꞌdi ittaawenye yeedicho daage, Yeesso rummeeste. Tiri ꞌdooꞌdi Kiriisto rummeeste geeddi elif chan yitah.

Hilassi Ergaano 15:19

“Maantaka wihi an gooche, uus inno yaafohi Yaꞌhuud ieheynane Waakh iurgiyo ꞌhowloon.