Hilassi Ergaano 11:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ ꞌDooꞌd Kiriistoki lataaꞌhiche jeenteti sinayyohi ꞌdooꞌd loomhichuu inkoo Isiteefano layigis geeddi ili Foniikiya ichoow kurti bicche dahcho kajirto Kuuburo layadeeh ichoow ilkerengeetti Antiyookhiya irte. ꞌDooꞌdi yaafti Yaꞌhuud kalday Wori Haaggan icheekeen.

Hilassi Ergaano 11:19 Referans Kwoze

Hilassi Ergaano 21:2

Intaas ka koobanhi boroofenhi Foniikiya isohti ꞌhelle, korre iranne.

Hilassi Ergaano 15:35

Iꞌdaasenyi Baawulo ichoow Barnaba geeddoo ilkerengeetti Antiyookhiya fiddiyeen. ꞌDooꞌdoo addane ittaawe khabaani Yeedi Kamur cheekeen.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

Galaatiya 2:11

Maanti Beetero ilkerengeetti Antiyookhiya yimiy, wihi us kijire a khufé, anna fool kakhabde, tirrime.

Hilassi Ergaano 21:16

Abattitoo ilkerengeetti Kaaysareya ka nah raahte, eti ꞌdee nah minkiis fiddiino Muunason layadeeh goobiis nah geesse. Ulla a etoo ili Kuuburo kayimiyye, abattiti oraat kichokoowe.

Hilassi Ergaano 18:22

Chirri us ilkerengeetti Kaaysareya yimiy ka, kooban kasooyege ilkerengeetti weene Yeerusaleem irte urur Kiriisto bariitiche, ꞌdeerka ilkerengeetti Antiyookhiya ikhubte.

Hilassi Ergaano 15:39

Lammache ba weyti isleeiriirte seley bahte. Barnaba Yoohanahi Marko layadeeh khaatte, anki kurti bicche dahcho kajirto Kuuburo layadeeh kooban igele.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

Hilassi Ergaano 13:4

Lammache ichehi Rubeyti Munyee ergatte, irteene ilkerengeetti Seluukiya ikhubteene, intaas ka kooban geleene kurti bicche dahcho kajirto Kuuburo layadeeh irteen.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

Yoohana 7:35

Weynaanti Yaꞌhuud isinokhatte wihi iche isworsatte, “Inta us irti, inno usu ikaꞌhelin a intoh? Inti ꞌdooꞌdeen kijiro yaafohi Yaꞌhuud ieheynan goya kataasanyahe iche irta yaafohi Yaꞌhuud ieheynan wori Waakh abcha?

Mattaayo 10:6

Nyaama ꞌdooꞌdi Issiraayele iꞌdi iiyti baabaatee iirda.

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 11:22

Urur Kiriistoki ilkerengeetti weene Yeerusaleem wora daage, icho la Barnaba ilkerengeetti Antiyookhiya iergeen.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 15:30

ꞌDooꞌdi leergate irte, ichoowka ilkerengeetti Antiyookhiya ka urur Kiriisto tuumman ururiche, khadaab idiibe.