Hilassi Ergaano 10:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Iꞌdaasenyi Waakh ibeenki seyyahnaatteet ka omoot kasookahche, enenyet tuse.

Hilassi Ergaano 10:40 Referans Kwoze

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

2 Koriinto 4:14

A mehe wihi nah garanni, Waakkhi Yeessohi Kamureene omoot kasookahche, inno laka Kiriisto a inno leesookahcha ꞌdee inno tuumman Waakh ortiis inno keena.

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.

Ibiraaniya 13:20

Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.

Rooma 14:9

Jeentetuu Kiriisto a yumuyye toro la toolla a jira, ꞌdee Kamuri ꞌdooꞌdi jiro ichoow ki ꞌdooꞌdi tuume yateeh.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Yoohana 14:22

Yuuda ꞌdeerka, kan Yuudahi inam Iskaariyoote menye, wihi us yidah, “Kamur, at a iꞌdoh dowwanoha ka nah isitussa, ꞌdooꞌdi harrata la isitusiwwaayta?”

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.