Hilassi Ergaano 10:38 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁸ Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 10:38 Referans Kwoze

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Ibiraaniya 1:9

At wihi fissane ꞌdoonta, hugunꞌdarri la ꞌdiiꞌdda. Jeentetaase anihi Waakkhaahe, subakki geeyi oolife hamaad keeno matah ikaasubhe, wahalhaah goyaka kikucche.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Mattaayo 12:28

Iꞌdaasenyi chirri an Rubeyti Waakh ka ginnayyo bahcho, waha saggi dakhi goobi Waakh goytiin iyimiyye tusaan.”

Luuka 3:22

Rubeyti Munyee la iꞌdi kutukuurrug u serey ka isooyagte. Hooyoo la serey kasooyeede wihi us yidah, “Ati a Weeleeyki an weyti ꞌdoono, weyti ikahamaadicho.”

Yoohana 10:32

Iꞌdaasenyi Yeesso wihi us iyidah, “Anto Aabbaheey ka wihi ittaawenye weeli enenyet yeelin iubaaꞌdan goytiin ka a yeele. Waha an yeele goyaka, jeenteti kichekoh dagah ka ogoos iꞌdoontaan?”

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Mattaayo 9:35

Yeesso ilkerengeeto ichoow goobab tuumman goya tabe minassichoki weysiite Yaꞌhuud ka ꞌdooꞌd wori Waakh abche. Wori Haaggane dakhi Waakh miinsan icheeke, sugeerre ichoow khannaatte tuumman ꞌdooꞌd kabahche.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

Luuka 9:42

Inam soosohtaayi ginna toro il kaguꞌdubte weyti kaharmisse. Iꞌdaasenyi Yeesso ginna leejaakhe, inam samaache, ooyohi dele dahan gesse.

Mattaayo 12:15

Yeesso saggi Farissaayo ogoos iyowatti garta, intaas katabe. Ururoo buure la raahe, Yeesso la ꞌdooꞌdichoki khakkhannan tuumman samaache.

Marko 6:6

Ulla girmeeste icho ikakhuufinee. Yeesso ꞌdeerka goobassi intaas kamarsan marche, Yeedi Waakh abche.

Luuka 9:56

Yeesso ichoow abattitiis ba ilkerengeettoo addan irteen.

Hilassi Ergaano 10:37

Wihi inkoo Yoohanahi Enenyet Baattissiyo wori baattissiyo cheeke boroofenhi Gaalilaaya lakasookhabte ichoowka ili Yaꞌhuud tuumman eleele yitah a garattaan.

1 Yoohana 2:20

Iꞌdaasenyi Kiriistohi Munyee Rubeyti Munyee ka a atin subhe, atin tuumman la runti Waakh a garattaan.

Mattaayo 9:19

Yeesso tolossate, abattitiis khabaayi makhaabal raahe.