Hilassi Ergaano 10:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Hilassi Ergaano 10:34 Referans Kwoze

Rooma 2:11

Iꞌdi tahe Waakh gar badah ma gatti, enenyet tuumman ortiis ka a ekka on.

Kolossaay 3:25

Eti khuf yeelo kalaꞌddi khufaas a igunnanta. Waakh la enenyet tuumman ekka yeya.

1 Beetero 1:17

Atin Waakkhi Aabbaheenenye enenyet seley isassaahine ebba wihi us yeelo on ka hukkumo wahattaan gone, taba geeddi atin harrata ka jirtaan tuumman usu inkaanyita.

Efeesso 6:9

Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.

Luuka 20:21

ꞌDooꞌda ꞌdegeye wihi us Yeesso worsate, “Eti ween! Saggi at wihi rummaat ikaayyeeddo toro enenyet iabisso a garanna. Toro la enenyet seley ma sassaahto, iꞌdaasenyi jiti Waakhe at enenyet abisso ichoow runti Waakh a israahaan.

Yaakoobo 2:9

Iꞌdaasenyi chirri atin enenyet seley sassaahtaan, atin uskeele yeessaane toro amurreti Waakh a jebisseen.

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Galaatiya 2:6

ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

Yaakoobo 2:4

Iꞌdaakka atin enenyet seley ma sassaahine toro la mali suuje ka enenyet ma hukkumin a?

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

Mattaayo 5:2

Yeesso ꞌdooꞌd walah abinnaan sookhabte.

Hilassi Ergaano 8:35

Fiilif ꞌdeerka chiirnaankaas Chiirnaanneti Waakh on kasookhabte, Wori Haaggane Yeesso miinsan icheeke.

Hilassi Ergaano 10:33

Anna ꞌdeerka chirraas on enenyet kisooerge, alla weyti gon haaggisse a timiyyee. Toollaka nah tuumman kalla Waakh ortiis tololla wihi Kamur dah kiyidah dagansanna.”

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Rooma 3:29

Waakh a Waakkhi yaafohi Yaꞌhuud kaldach on a? Us Waakkhi yaafohi Yaꞌhuud ieheynan laka menya? Aa, a iꞌdaas on,

Yaakoobo 2:1

ꞌDooꞌd Kiriistokaaw, atin Yeesso Kiriistohi Kamureenenye toro weynaan tuumman leh a rummeysatteen gone, taba enenyet seley asassaahina.