Hilassi Ergaano 10:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Toolla ilkerengeetti Yooba enenyet ierege, etoo Siimon layadeehe magahoo ka la Beetero layadeeh a soowaheen. Us minki etoo Siimon layadeeh ka a marti. Eta la ukto mujjummoocha, beyti buurenye afiche yaal.’

Hilassi Ergaano 10:32 Referans Kwoze

Yoohana 4:9

Makhaabassi Saamariya la wihi iche Yeesso ilaabte, “Ya! Atiha Yaꞌhuude saggoh anihi yaafohi Saamariyee bicchehi at tabhuub idaahta?” A mehe yaafohi Yaꞌhuud ichoow yaafohi Saamariya walah icho iskakhabaan mele.

Yoohana 18:28

Baryo ka ewweenki Yaꞌhuud Yeesso min Kayaafa kakhaate, minki buurenye gaafanahi Roomee geeche. Ewweenki Yaꞌhuud la minki etaas goya ma gelin, iꞌdi tahe ichohi geeddi icho gololi daawti Baasakka iumhan isbiꞌdirroocho ma ꞌdoonaan.

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

Hilassi Ergaano 10:33

Anna ꞌdeerka chirraas on enenyet kisooerge, alla weyti gon haaggisse a timiyyee. Toollaka nah tuumman kalla Waakh ortiis tololla wihi Kamur dah kiyidah dagansanna.”

Hilassi Ergaano 11:3

Wihi icho iyidaaheen, “At minassi ꞌdooꞌdi ikhandiyanne iratte icho leegolossatte.”

Hilassi Ergaano 9:6

Toollaka kahe ilkerengeet gele ꞌdee wihi at yeesso a lakicheeko.”

Hilassi Ergaano 9:43

Beetero la geeddoo ilkerengeetti Yooba ka min Siimonhi hili uktoot haaggicho fiddiye.

Hilassi Ergaano 10:5

Toollaka ꞌdooꞌdoo ilkerengeetti Yooba ierege, etoo Siimon layadeehe magahiiskoo addan toro Beetero layadeeh a soowaho.

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.