Hilassi Ergaano 10:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Hilassi Ergaano 10:30 Referans Kwoze

Hilassi Ergaano 10:3

Maantooka geeddi sahaꞌd saagaassi maalimeet ka, fooltabchotoo arge. Fooltabcho ka wihi us mujjum arge, a herti Waakhe itimiyye, “Korneeliyo,” itidah.

Hilassi Ergaano 1:10

Geedda us serey irti, sereye ꞌdeyꞌdoochaan. Chirraas on reeroo lammeenye darfohoo daddakhan khabo garabicho sootolossate.

Hilassi Ergaano 3:1

Maantoo, geeddi sahaꞌd saagaassi maalimeete lakaweesti ka, Beetero ichoow Yoohana minki Waakhe buurenye iꞌdulaan.

Luuka 24:4

Waha ka ngꞌaayaani chirraas on et lamma darfohi iꞌdi ankhad u ababo khabto garabicho tolossateen.

Marko 16:6

Ulla wihi us iyidah, “Anahina! Yeessohi Naasarete goorat massalaaba lakakaahe iche yowattaan. Omoot a kasookahe, inta ma kijiro! Meessi icho kareecheen yeya.

Mattaayo 28:3

Herta fooliche iꞌdi ankhad u a ababa, darfohiche la a waha dakhane iꞌdi yooleete.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 10:29

ꞌDeerka chirri enenyet liisooꞌdiiche ka, ma jijjiitanne imiy. Anna mehe kiworsada ya, mehe iwahte?”

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.