Hilassi Ergaano 10:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 10:22 Referans Kwoze

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

3 Yoohana 1:12

Enenyet tuumman haag Demmediroos a cheeka. Us runti Waakhe raaha, waha la saggi us eti haaggan iyahe iche tusaan. Nah laka saggi us eti haaggan iyahe a atin isoocheekna. Atin la saggi wihi nah cheekno tuumman rum iyahiin a garattaan.

2 Beetero 3:2

Atinhi wihi goorat ꞌdooꞌdi munyayyeenye Waákh íyeyyeedo cheeke kasooꞌhessaane ꞌdoona. Toro la atinhi amurreti Kamureenki toro ꞌDoorribee miinsane ergaano atin isoocheekte kasooꞌhessaan iche ꞌdoona.

Ibiraaniya 12:23

Toro la urur Kiriistoki iꞌdi teyyanohi Waakhenye isoodowwaatteen. Waha la a ꞌdooꞌdi magahenyeticho goobi Waakh ka lachiire. Atin la Waakkhi ꞌdooꞌd hukkumo ichoow rubeyohi ꞌdooꞌdi fiffissane el laa lakayeele, iche isoodowwaatteen.

Ibiraaniya 11:2

Iꞌdi tahe kakhuufnaanki ꞌdooꞌdi goorat archiiy Waakh kakhuufe on ka, iche Waakh saggi us icho ikahamaade icheeke.

Ibiraaniya 10:38

Iꞌdaasenyi eteeyki fissan ani ikakhuufa, kakhuufnaankaas ka jira. Eti adah ikakhabti, ma kahamaado.”

1 Timooti 3:7

Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.

2 Koriinto 5:18

Waha tuumman la Waakhe yeela. Ulla Kiriisto ka weeli enenyet ankiissa keene, toro la hila Waakhe enenyet anki Waakh lakeeno inno korche.

Rooma 1:17

Wora Haaggan wihi us soobabbakkaahicho a saggi Waakh enenyet ꞌdooꞌdi ortiis ka fiffissan ikayeelo. Waha la koli enenyet Waakh kakhuufe kaldach on yateehiin. Iꞌdi liichiiruu, “Eti Waakh ortiis ka fissan Waakhe rummeesta. Saggaase rumanka jiro ikhaba.”

Hilassi Ergaano 24:15

Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Hilassi Ergaano 22:12

“Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 10:33

Anna ꞌdeerka chirraas on enenyet kisooerge, alla weyti gon haaggisse a timiyyee. Toollaka nah tuumman kalla Waakh ortiis tololla wihi Kamur dah kiyidah dagansanna.”

Hilassi Ergaano 10:6

Usu, Siimonhi ukto kaaho toro haaggicho beyti buure afiche yaal iche leefiddiya.”

Hilassi Ergaano 6:3

Walaalinyeey, et teeba goytiin ka magah khabto, Rubeyti Munyee laka rubeyohicho buuhto toro la kharee soobahcha, hila a gelinno.

Yoohana 17:20

“Icho kalday ma iweesdi, ꞌdooꞌdi wori icho cheekaan ka ani irummeesti laka a iweesda.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 13:20

Rume atin icheeka, eti tuummane eti an sooergade khaatti, ani ikhaatta. Eti ani ikhaatti la, eti isooergate khaattta.”

Yoohana 6:68

Siimonhi Beetero layadeeh wihi us ilaabe, “Kamur ayyo addane iiranna? Ati kaldaye yeedi jiroti jirtuu imassan lakeelo khabta.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Luuka 23:50

Etoo Yuussuf layadeehe ilkerengeetti Arimaꞌdaaya ili Yaꞌhuudiya kajirto yaal la a jira. Ulla a etoo haaggane toro fissane toro dakhi Waakhe suga.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Marko 8:38

Chirri etoo ꞌdooꞌda weyꞌdane waakkhassi addan wahti uskeel leh goyaka ani ikuuryaawo toro yeedeey kuuryaawo, Ínam Aadam laka maanti us miig Aabbahiis ichoow ti herti Waakhe munyee leesoonokhti, usu a kuuryaawa.”

Marko 6:20

a mehe ꞌHerood Yoohana karoora, saggi us etoo fissane toro munyee iyahe iche garta. A toorriba laka. Kolbaaw us Yoohana dagansate, mal la gela. Iꞌdaasenyi toro, weyti dagansan ꞌdoona.

Mattaayo 1:19

Jeenteti Yuussufhi Maariya soodisti etoo fissan ieheet u, usuhi Maariya ꞌdooꞌd ortiis ka lakhaanyo kadowo ma ꞌdoono, Maariya dagsi ka katabin gooche.

Mattaayo 2:12

Inkoo Waakh issillo ka tootooche, ꞌHerood iinokhanna iyidah ka, jitoo addan tabeene, ilicho inokhteen.

Luuka 9:26

Chirri etoo ani ikuuryaawo toro yeedeey kuuryaawo, Ínam Aadam maanti us ababnaankiis ichoow ababnaan Aabbahiis ichoow ki herti Waakhe munyee leesoonokhti usu a kuuryaawa.

Hilassi Ergaano 10:21

Beetero il ikhubte wihi us reer iyidah, “Eti atin sooyowatteen a ani. A iꞌdoh itimaateen?”

Hilassi Ergaano 10:30

Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.