Hilassi Ergaano 10:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Sereyti bakkaahte arge, wohoo iꞌdi dafarti buurenye il isoosohti arge. Dafarta la laddad affarcho lasookhuccha il liisoowoya.

Hilassi Ergaano 10:11 Referans Kwoze

Efeesso 3:6

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

Yoohana 1:51

Wihi us kakhaye, “Rume atin icheeka, goobi Waakh usuhi furane herti Waakh ínam Aadam isookhubatti toro korto a agarta.”

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 11:19

ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 4:1

Waha ꞌdubicho ka toro fooltabchotoo afafhi goobi Waakhe furan arge. Hooyi kootte saggi arabi laafuufo iyeedo an daage toro ileeyeede, wihi us iyidah, “Inta saraat amiite, wihi Waakh gooche inkoo waha kuteen sooyateeh a kituso.”

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Efeesso 1:10

Mala la a ki maanti ibeenneti labuuhicho titah layeelo, ꞌdee wihi lasoouume tuummane serey kijiro ichoow harra kijiro us matakkoo kalday iliche gesso, matakkaas la a Kiriisto.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Galaatiya 2:15

“Nah delmaat ka a Yaꞌhuud. Nah yaafohi Yaꞌhuud ieheynane innohi Yaꞌhuud uskeele kaassohtaan elanni mee.

Rooma 9:4

Icho a ꞌdooꞌdi ili Issiraayele, Waakh icho a khaatte, nyaakhutiiski iꞌdi teyyanohiise kayeesse. Toro la weynaantiis goycho ka tuse, ayyinti ittaawenye us igooche ichoow amurre Muusa ba ꞌheleene, jiti Waakh minki Waakhe buure ka lakawahti ꞌheleene, wihi ittaawenye ꞌdee yateehe Waakh gooche laka ꞌheleen.

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Hilassi Ergaano 7:56

Wihi us yidah, “Yeya, goobi Waakhe furane Ínam Aadam usuhi Waakh anki dahantiisti miigeet toollo a arga.”

Yoohana 12:32

Iꞌdaasenyi ani maanti massalaaba ka serey liiokkhicho, weeli enenyet tuumman ankaaya keena.”

Yoohana 11:52

Toro la Yeesso jeenteti yaaftaas kalday on ma iyamuute, iꞌdaasenyi jeenteti nyaakhuti Waakhe taasane iyamuute, ꞌdee ꞌdooꞌdi harra tuumman isikeena, wohoo kalday kayeela.

Luuka 3:21

Geedda enenyet tuumman labaattissiyo, Yeesso laka yimiyye labaattissiye. Yeesso Waakh wahtaayi, sereye bakkaahte,

Mattaayo 8:11

Wihi an atin iadeeh, maanti harrata ꞌdubiche yitah, ꞌdooꞌdi ittaawe beri ichoow bahaye kayamiite, Aburaaham ichoow Isakh ichoow Yaakoobo khabaani meelassicho khaattaane, dakhi goobi Waakh ka sukuuku isleegelaan.

Hilassi Ergaano 10:12

Dafartaas wahanyeyyohi fil tuummane iche goya kajira. Bina ichoow hoola ichoow binahi uur il kajiito ichoow chimbirohi saraate fil tuummanenye kajira.

Hilassi Ergaano 11:5

“An ilkerengeetti Yooba iche kajire, Waakh wahdaayi, fooltabcho arge. Wohoo iꞌdi dafartoo buurenye goobi Waakh ka laddad affarcho lakhuccho il liisoowoyo garabeey lasooyissil arge.