Hilassi Ergaano 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Hilassi Ergaano 1:16 Referans Kwoze

Yoohana 13:18

“Wora an kaayyeedo atin tuumman mee atin miinsanyahe. ꞌDooꞌdi rumanka an soobahsade a garda. Iꞌdaasenyi Chiirnaanneti Waakhe, ‘Eti ileegolossate on toro chiiy iyitah,’ tadeeh a labuuhicha.

Hilassi Ergaano 1:20

Beetero wihi us yidah, “A mehe buuggi Sabuur ka wihi chiiran, “ ‘Goobiis ba a baabo, uus etoo kalday laka jirin.’ Wihi addane chiiran, “ ‘Etoo addan ba meessiisti weynaaneet gela.’

Mattaayo 26:56

Iꞌdaasenyi wahanyeyyoha a yitaaheene ꞌdee wihi ꞌdooꞌdi Waákh íyeyyeedo chiire labuuhicha.” ꞌDeerka abatti tuumman usu katabte firidde.

Mattaayo 26:54

Iꞌdaasenyi chirri an iꞌdaas yeele, saggoh ꞌdee wihi Chiirnaanneti Waakh kachiirane sooyateeh liibuuhicha?”

Mattaayo 26:47

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe, a ururoo buurenye birlabbe ichoow khokkhoomme khabo, kuhaaniyyohi wewween ichoow ewweenki Yaꞌhuud sooergate.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

Marko 14:43

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe a ururoo birlabbe ichoow khokkhoomme khabo, kuhaaniyyohi wewween ichoow tagaammeti amurre ichoow ewweenki Yaꞌhuud sooergate.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

Hilassi Ergaano 23:6

Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 23:1

Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah.

Hilassi Ergaano 22:1

Baawulo wihi us yidah, “Yaaftaay ichoow ooyenyeey, bal geedda an ortiin ka isiyeyyeedo idagansada.”

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 13:38

“Maantaka yaaftaay wihi an atinhi abattaan ꞌdoono, Yeesso ka, jiti uskeeliin atin liikakuto a atin liicheeke.

Hilassi Ergaano 13:15

Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 7:2

Waha ka wihi us laabe, “Yaafeey idagansada. Waakkhi weynaane tiis tahe, aabbaheenki Aburaaham layadeeh geeddi goorat archiiy us ilkerengeetti weene Haaran igelin, ili Messabotaamiya ka a isoobahe.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Yoohana 19:36

Waha la a yitaaheene, ꞌdee wihi Chiirnaanneti Waakh ka lachiire labuuhicha, “Laftiistoo kalday laka ma lajebcho.”

Yoohana 10:35

Saggi atin igarattaan u, Chiirnaanneti Waakh ma luurgiyicho. Chirri ꞌdooꞌdaas Yeedi Waakh ꞌhele, ‘waakkhakh’ lakawahe,

Luuka 22:47

Yeesso yeyyeedaayi, ururoo yimiy. Eti Yuuda layadeehe abattiti tomon ichoow lammee kichekoowe iche soowoya. Ulla Yeesso iyimiy a dongataa.

Marko 12:36

Dawuud rubeytiis Rubeyti Munyee ka yeyyeedaayi mehe yidah ya, “ ‘Waakkhi Kamure wihi us Kamureey iyidah, Dabankeeyki miigeete antoot orrommo, ichoowka chiiytaah tuum dahanohaah a soogesso.’

Hilassi Ergaano 28:25

Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Hilassi Ergaano 15:13

Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Mattaayo 26:14

Yomboka abatti Yeessoti tomon ichoow lammee kichekoo, ki Yuuda Iskaariyoot layadeeh, kuhaaniyyohi wewween iirte,

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.