Hilassi Ergaano 1:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 1:15 Referans Kwoze

1 Koriinto 15:6

Saahka toro ꞌdooꞌdi Kiriisto rummeeste kud chan ꞌdirihiise koloo kalday isoobahe. ꞌDooꞌda buurtiis uliba a jira, gaasoo laka a tuume.

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

Yoohana 21:23

Jeentetaas u woraas leessi ꞌdooꞌdi Kiriisto rummeeste goya kataaꞌhe. Wihi icho esseen a mehe ya, “Eta abattee ma yamuut.” Iꞌdaasenyi Yeesso ma yamuut ma idaahane, wihi us yidah a mehe ya, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele.”

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

Mattaayo 13:31

Yeesso toro icho mammahtoo addan icheeke, “Dakhi goobi Waakh a iꞌdi ilinti weyti rucchule, etoo khaate gosiis goyaka il gesse.

Hilassi Ergaano 10:23

Beetero ꞌdeerka ꞌdooꞌd min goya iwahe martiiste. Ibeenki kaas sooraaho ka Beetero ꞌdooꞌd raahe. ꞌDooꞌdoo ilkerengeetti Yooba ka Kiriisto rummeeste laka Beetero raahe.

Hilassi Ergaano 11:1

Ergaano ichoow ꞌdooꞌdi Kiriisto rummeeste Yaꞌhuudiya kijiro tuumman saggi yaafohi Yaꞌhuud ieheynan laka Yeedi Waakh ikhaatteen daageen.

Hilassi Ergaano 11:12

Rubeyti Munyee wihi iche ani itidah, ‘ꞌDooꞌdaas a leejijjiitanne, raah.’ Reera lihenye koo Kiriistee laka ilkerengeetti Yooba ka iraahe ichoowka ilkerengeetti Kaaysareya isleeiranne, nah tuummamba min Korneeliyo isleegelle.

Hilassi Ergaano 11:26

Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.

Hilassi Ergaano 11:29

Abatti ebba gargaar geeddi us yabuuꞌd ꞌdooꞌdi Kiriisto rummeeste ili Yaꞌhuudiya ibihin gooche.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 16:2

ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke.

Hilassi Ergaano 16:40

Inkoo Baawulo ichoow Siila jeela kabaheene, min Liidiya irteen ka ꞌdooꞌd Kiriisto ꞌheleene, uur miigoocheene, ꞌdeerka katabeen.

Hilassi Ergaano 17:6

Iꞌdaasenyi chirri icho waayeen ka, Yaason ichoow ꞌdooꞌdoo Kiriisto rummeeste khabteene, il kajiiteene, ꞌdooꞌdi ilkerengeet iwewween igeecheen. Riireene, “Reera harra tuumman sina a ikeene, toro toolla ilkerengeetteen laka a yimaateen,” yidaaheen.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Hilassi Ergaano 17:14

ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen.

Hilassi Ergaano 18:18

Baawulo ilkerengeetti weene Koriinto ibeennetoo fiddiye. Saahka ꞌdooꞌdi Kiriisto rummeeste katabe, Akiila ichoow Birisiila khabaayi kooban ka boroofenhi Siiriya ikahe. Geeddi us kooban igelin, ilkerengeetti Kenkereeya ka matah lahaaꞌde, a mehe ibeenneti us Waakh idaatte a massatte.

Hilassi Ergaano 18:27

Maanti Aboollo ili Akhaaya ikahin ꞌdoone ka, ꞌdooꞌdi Kiriisto rummeeste ilkerengeetti Efeesso kijiro usu uur miigooche, abattiti intaas kijirto khadaab ichiireene, ꞌdee etaas a martiisteen. Maanti us intaas eleele ꞌdooꞌdi haaggi Waakhe buurenye inno imunneynan ka Kiriisto rummeeste weyti gargaare.

Hilassi Ergaano 21:7

Inkoo nah ilkerengeetti Tiiro kakahne ka, sohanne ichoowka ilkerengeetti Tollemayo gelle. Intaas ka ꞌdooꞌdi Kiriisto rummeeste bariitinne ibeenkoo leefiddiine.

Hilassi Ergaano 21:17

Inkoo nah ilkerengeetti weene Yeerusaleem soogelle ka, ꞌdooꞌdi Kiriisto rummeeste hamaad ka nah martiiste.

Hilassi Ergaano 22:5

Kuhaanihi weyti ween ichoow Jaldaab tuumman saggi wihi an eldi rum iyahiin a cheekaan. An icho khadaabi icho ꞌdooꞌdichoki Yaꞌhuude ilkerengeetti Damaasko kajiro ichiireene kakhaadde, intaas irde ꞌdee ꞌdooꞌdaas sookhabda, ilkerengeetti weene Yeerusaleem keena, sina loomhicha.

Hilassi Ergaano 28:14

Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy.