Hilassi Ergaano 1:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Ichohaas tuumman, ichoow oboorrihoo addan ichoow Maariyati abar Yeessee, ichoow walaalinye Yeesso ba kol tuumman a sooururaane Waakh isleewahtaan.

Hilassi Ergaano 1:14 Referans Kwoze

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

Hilassi Ergaano 2:42

Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Luuka 18:1

Yeesso toro abattitiis mammahtoo saggi icho kol dakkhan iweestaane toro icho weysi ka igarrahsataan tusso ibahche,

Mattaayo 21:22

Chirri atin Waakh rummeysattaan, walahbaaw atin weysi ka daahteen, a ꞌhessaan.”

Hilassi Ergaano 2:1

Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure.

Luuka 11:13

Chirri atinhi uskeel leh ba nyaakhutiin siinti haaggan siissaan, Aabbahiinki serey jiro la geeddoo meheenye ꞌdooꞌdi usu Rubeyti Munyee daahe siicha!”

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Luuka 24:53

Kol dakkhan minki Waakhe buure fiddiyeene, Waakh saaꞌdeen.

Mattaayo 12:46

Yeesso urur leeyyeedaayi, abartiis ichoow walaalinyetiis ba usu leeyeedin ꞌdoonaane, khar tolossateen.

Luuka 24:10

Deyyehoti waha ergaano icheekte la a Maariyati ilkerengeetti Magdaala ichoow Yoowana ichoow Maariyati abar Yaakoobee ichoow deyyehoti addane leejirte.

Luuka 23:55

Deyyehoti Yeesso ilkerengeetti Gaalilaaya ka sooraahte la Yuussuf raahte goꞌddi Yeesso lakahawwaale ichoow saggi sartiis goꞌddaas ka liireeche argeen.

Luuka 23:49

Iꞌdaasenyi ꞌdooꞌdi usu garti tuumman deyyehoti goorat boroofenhi Gaalilaaya kasooraahte khabaani foga tolossateene wahanyeyyoha ꞌdeyꞌdoocheen.

Marko 16:1

Inkoo Seeri Lanaso kute ka Maariyati ilkerengeetti Magdaala ichoow Maariyati abar Yaakoobee ichoow Saloome miricchihoo weyti uyuuge soogateen, sar Yeesso kasubhaanee.

Marko 15:40

Deyyehotoo fogaka a ꞌdeyꞌdoossa. Goycho ka a Maariyati ilkerengeetti Magdaala ichoow Maariyati Yaakoobohi nugul ichoow Yoosse desse ichoow Saloome.

Mattaayo 27:55

Deyyehoti ittaawe intaas a kijirte, fogaka a ꞌdeyꞌdoossa. Icho Yeesso boroofenhi Gaalilaaya kasooraaheene ꞌdee gargaaraan.

Luuka 24:33

Chirraas on kaheene, anki ilkerengeetti weene Yeerusaleem inokhteen. Intaas ka abattiti tomon ichoow koowe ichoow ꞌdooꞌdi addane icho leejiro kulme ꞌheleene,

Luuka 8:20

Etoo wihi us Yeesso iyidah, “Abartaah ichoow walaalinyetaah ba khare toollaane, ichohi kaargo ꞌdoonaan.”

1 Koriinto 14:13

Maantaka, eti afi Rubeyti Munyee kaayyeedo, Waakh a wahti ꞌdee afaas laabin a yubaaꞌde.