Hilassi Ergaano 1:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Hilassi Ergaano 1:13 Referans Kwoze

Hilassi Ergaano 20:8

Goonankaas saraate islakaꞌhelo ka taassi ittaawenye jira.

Luuka 22:12

Meessoo buurenye minkiis sartiisenye meeh tuumman khabto iche atin tusa. Intaas ka golol haaggicha.”

Marko 14:15

Meessoo buurenye minkiis sartiisenye meeh tuumman khabto lahaaggiche iche atin tusa. Intaas ka golol inno ihaaggicha.”

Marko 2:14

Toro orey isohte, etoo Laawi layadeehe koo Alfaayee arge. Laawi meessi kooddi lakagoocho goya fiddiya. Yeesso, “Isooraahe, abattiteey ateeh,” Laawi iyidahye, Laawi la kahe usu raahe.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

Hilassi Ergaano 15:13

Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Hilassi Ergaano 4:19

Iꞌdaasenyi Beetero ichoow Yoohana la wihi icho ilaabeen, “Bal wihi Waakh nah kaꞌdoono isigoocha, nahi aytiin raahno bal nahi ayti Waakh raahno.

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Hilassi Ergaano 2:14

ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Yoohana 18:17

Inanti arit yuubisso la wihi iche Beetero worsatte, “Ati abattiti etaas kichekoo mee menya?” Wihi us ilaabe, “Ani abattitiis mee.”

Yoohana 11:16

Toomashi Manꞌdaan layadeeh, wihi us abattiti addan iyidah, “Inno tuumman eti ween raahno, ꞌdee inno tuumman a leetuunno.”

Marko 14:33

Beetero ichoow Yaakoobo ichoow Yoohana khaatte. Sohtaayi, uur goya iooye, mali uskul gele.

Marko 9:2

Inkoo ibeen lihe kutte ka, Yeesso Beetero ichoow Yaakoobo ichoow Yoohana khaatte, woye, haloo deer koreen, ichohaas on. ꞌDeyꞌdoossaayi Yeesso luurgiyiche.

Marko 5:37

Beetero ichoow Yaakoobo ichoow walaal Yaakoobohi Yoohana layadeehe us khaatte on menye, ꞌdooꞌdi addan tuumman et us khaatte mele.

Mattaayo 9:9

Yeesso intaas ka orey isohtaayi, etoo Mattaayo layadeeh usuhi meessi kooddi lakagoocho goya fiddiyo arge. Yeesso la, “Isooraahe abattiteey ateeh,” iyidahye, Mattaayo la kahe usu raahe.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.

1 Koriinto 15:7

Yomboka Yaakoobo laka isoobahe, toro ergaano tuumman laka isoobahe.

Yoohana 14:22

Yuuda ꞌdeerka, kan Yuudahi inam Iskaariyoote menye, wihi us yidah, “Kamur, at a iꞌdoh dowwanoha ka nah isitussa, ꞌdooꞌdi harrata la isitusiwwaayta?”