Hilassi Ergaano 1:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Ergaano ꞌdeerka Hali Geeyohi Oolif kakhubatte, ilkerengeetti weene Yeerusaleem inokhatte. Halaas la Yeerusaleem ka a geeddi kiilomittatoo kalday.

Hilassi Ergaano 1:12 Referans Kwoze

Luuka 24:52

Icho la usu wahteene, ichohi hamaadi buure khabo ilkerengeetti weene Yeerusaleem inokhteen.

Mattaayo 21:1

Chirra icho ilkerengeetti weene Yeerusaleem isoodowwaateene, ilkerengeetti Beꞌdifaage Hali Geeyohi Oolif haggee yimaateen ka, Yeesso abattitoo lammee ergate.

Luuka 24:50

Chirri us abatti khaate ilkerengeetti Beꞌdaaniya idowwaache ka, dahanohiis serey iooge, abatti iweeste.

Yoohana 11:18

Ilkerengeetti Beꞌdaaniya la geeddi kiilomitta seyyahe ilkerengeetti weene Yeerusaleem ileejirta.

Luuka 21:37

Yeesso maalim dakkhan minki Waakhe buure ka ꞌdooꞌd wori Waakh abche, geleb dakkhan la irte Hali Geeyohi Oolif barye.

Mattaayo 26:30

Inkoo icho geeyoo Waakh dowteen ka, Hali Geeyohi Oolif ibaheen.

Mattaayo 24:3

Geedda Yeesso Hali Geeyohi Oolif ka fiddiyo, abattitiis dagsi ka itimiyye wihi iche itidah “Waha maantoh yateehiin? Toro la mehe yateehe emeettaah ichoow ibeenki ꞌdaꞌddaboot tusa?”

Luuka 19:29

Chirra us ilkerengeetti Beꞌdifaage ichoow ti Beꞌdaaniya Hali Geeyohi Oolif haggee sooeleele ka, Yeesso abattitiistoo lammee orey ierge, wihi us iyidah,

Mattaayo 24:20

Waakh waho uus maantaas lafirdo maanti il weyti roffo yahe hir ꞌdeyo ommos Seeri Lanaso eheynan.