Hilassi Ergaano 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Geedda us serey irti, sereye ꞌdeyꞌdoochaan. Chirraas on reeroo lammeenye darfohoo daddakhan khabo garabicho sootolossate.

Hilassi Ergaano 1:10 Referans Kwoze

Luuka 24:4

Waha ka ngꞌaayaani chirraas on et lamma darfohi iꞌdi ankhad u ababo khabto garabicho tolossateen.

Yoohana 20:12

Herti Waakhe lammeenye gaaddi daddakhan khabto inti sar Yeesso tiil fiddiito, agarte. Hertaas Waakh la too, inti matah kijire iche fiddiita, too la inti luhlo kajireene fiddiita.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.

Marko 16:5

Chiꞌicho goꞌd geleen ka, eti nugule anki miigeet fiddiyo darfohi daddakhan khabo argeene, naheen.

Hilassi Ergaano 10:30

Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Mattaayo 28:3

Herta fooliche iꞌdi ankhad u a ababa, darfohiche la a waha dakhane iꞌdi yooleete.

Mattaayo 17:2

ꞌDeyꞌdoossaayi, Yeesso luurgiyiche, fooliis urgiye iꞌdi orraheet u ababe, gaaddiis la iꞌdi banay u dakhnaatte.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Hilassi Ergaano 10:3

Maantooka geeddi sahaꞌd saagaassi maalimeet ka, fooltabchotoo arge. Fooltabcho ka wihi us mujjum arge, a herti Waakhe itimiyye, “Korneeliyo,” itidah.