Fiiliffi 1:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Fiiliffi 1:1 Referans Kwoze

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

1 Timooti 3:8

Iꞌdaas on u toro wihi Waakh gooche, ꞌdooꞌdi urur Kiriisto gargaaro laka a ꞌdooꞌdi liinkaanyito, ki iskaayyeelo mee, ki farsoti sabiib khaatto mee, ki anki chilim ka ꞌdamaame mee.

2 'Dessaloonika 1:1

Khadaaba ꞌdooꞌdi atin isoochiiro a ani, Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheenenye toro la koo Yeesso Kiriistohi Kamure.

1 'Dessaloonika 1:1

Khadaaba ꞌdooꞌdi atin isoochiiro a ani Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheene ichoow koo Yeesso Kiriistohi Kamure. Waakh ba atin imaala, nebey atin kakaala.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Ibiraaniya 13:23

Wihi addane an atin isoocheeko, walaaleenki Timooti layadeeh jeela ka a lasoofure. Chuꞌus dowwa isooeleele la, a issooraahna ꞌdee atin sooarga.

2 'Dessaloonika 1:10

Waha la maanti icho yateehiin, a maanti us soonokhti, ꞌdooꞌdiiski munyeenye usu rummeeste tuumman usu saaꞌdo, toro la kagirmeesti. Waha atin laka goya a kijirtaan jeenteti atin wihi Waakh yeele nah agarre nah atin isoocheekne irummeysatteen u.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

Efeesso 1:15

Jeentetaas u, ani uus an saggi atin Yeessohi Kamureene ikakhuufteen ichoow saggi atin ꞌdooꞌdi Waakh tuumman iꞌdoontaan daage,

1 Koriinto 16:10

Chirri Timooti goytiin yimiy, taba uus roorrotoo rucchul laka goytiin ka khabin. Iꞌdi tahe ullaka iꞌdeey u hili Kamure haaggicha.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Marko 13:34

Waha iyookkoka, a iꞌdi etoo sulhaal irti. Minkiis katabo, bowꞌdayyohiis anto siicho, kooba hili us haaggicho ikatabo, eti arit fiddiyo la amuri us meel yaakhicho ibahcho.

Bakkaahit 22:9

Iꞌdaasenyi herti Waakh wihi iche ani itidah, “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste Waákh íyeyyeedo ichoow ki wihi buugga kachiiran raahuu, a falfa Yeesso on. Waakh on waho!”

Bakkaahit 2:12

“Herti Waakhe keleyenye urur Kiriistoki Bergamum itolosso waha ichiir. Waha a farniinki ki birlabi af leh khabo.

Bakkaahit 2:8

“Herti Waakhe keleyenye urur Kiriistoki Simiriina itolosso waha ichiir. Waha a farniinki ki Oreyenye toro la Salaahime, ki yumuyye toro omoot kasookahe.

Bakkaahit 1:20

Wihi dagsane at agarte, bakkaalleti teebeenye an dahanti miigeet kakhuccho ichoow reemassi ꞌdahabe teebeenye taa lakorcho miinsan kallaayo. Bakkaalleti teebee, herti Waakhe ururre Kiriistoti ilkerengeetohi teebee iche itoollaan. Reemassi teebeenye taa lakorcho la, ururreti teebeenye kooba ururoo itoolla.”

Hilassi Ergaano 1:20

Beetero wihi us yidah, “A mehe buuggi Sabuur ka wihi chiiran, “ ‘Goobiis ba a baabo, uus etoo kalday laka jirin.’ Wihi addane chiiran, “ ‘Etoo addan ba meessiisti weynaaneet gela.’

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Efeesso 6:24

Waakh ba ꞌdooꞌdi tuummane Yeesso Kiriistohi Kamureene ꞌdooninti imassan ka ꞌdoono imaala.

Fiiliffi 2:5

Taba giꞌde mali Yeesso Kiriisto khabe khaba.

Fiiliffi 2:19

Chirri Yeessohi Kamure ꞌdoono, wihi an khajjeelo a Timootihi maanassa dow an atin isooergo, ꞌdee chirri an woriin abde ka uur imiigoocha.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Fiiliffi 3:8

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,

Fiiliffi 3:12

An laka uliba wahanyeyyohaas an eldi iꞌdi goorat Waakh ikaꞌdoonuu tuum a itah ma eldi. Iꞌdaasenyi Yeesso Kiriisto ikhuccha. An kol tuumman hole dowa, wahaas Yeesso Kiriisto ꞌhor ikhabte ani laka khabda.

Fiilemon 1:1

Khadaaba eti kisoochiiro a ani, Baawulo. Anna jeenteti an wori Yeesso Kiriisto miinsan icheeko iche jeela ikajira. Timootihi ullaka koo Kiriistee a kisoobariitiche. Fiilemonhi weyti aalenyeenye, hil Kiriisto nah kaleejiro,