Efeesso 6:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.

Efeesso 6:9 Referans Kwoze

Kolossaay 3:25

Eti khuf yeelo kalaꞌddi khufaas a igunnanta. Waakh la enenyet tuumman ekka yeya.

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Rooma 2:11

Iꞌdi tahe Waakh gar badah ma gatti, enenyet tuumman ortiis ka a ekka on.

Luuka 6:31

Wihi kootte incheenka atinhi atin liiyeelo ꞌdoontaan, ꞌdooꞌdi addan iyeela.

Mattaayo 7:12

Walah tuumman ka, wihi kootte incheenka atinhi atin liiyeelo ꞌdoontaan, ꞌdooꞌdi addan iyeela. Wihi tahe, waha a wihi Chiirnaanneti Amurre ichoow Chiirnaanneti ꞌdooꞌdi Waákh íyeyyeedo enenyet abchaan.

Yaakoobo 2:13

Iꞌdi tahe eti ꞌdooꞌdi addan uur ikanugleysan, Waakh maanti us ꞌdooꞌd hukkumo laka usu uur ma inugleesti. Iꞌdaasenyi, eti ꞌdooꞌdi addan uur inugleesti maanti lahukkumo, walah us karooro mele.

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

Yoohana 13:13

Atin ani, ‘Eti ween,’ ichoow, ‘Kamur,’ menya itadeehiin? Aa! A iꞌdaas on gon. An rumanka a eti weene, toro la a Kamur.

Yaakoobo 5:4

Yeya, ilbooyyeti gosashiin ka gurnaan gurto chilimmeticho ma gutine, chilimmeticho a atin kooyta. Toro la oytinti ꞌdooꞌdi gurnaan guro nabahti Kamureenki Miig Tuumman Leh a eleesse.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.

Mattaayo 24:51

Usu seleye goggoocha, toro ꞌdooꞌdi iskaayyeelo goya gata. Intaas ka ooya, bolokh ka ilko iskaroba.”

Mattaayo 24:48

Iꞌdaasenyi eemba ilbooya a suuje, ‘Kamureey geeddi deere foga kijira,’ isiyidahye,

Mattaayo 22:10

Ilbooyye ꞌdeerka ilkerengeet goya itabte, ꞌdooꞌdi icho argeen tuumman soowaheen. ꞌDooꞌdi hahhaaggan ichoow ki sussuuje ba wahte, minki daawti mindischo lakahaaggicho marti buuhisse.

Mattaayo 22:8

“Ulla ꞌdeerka wihi us ilbooyyetiis iyidah, ‘Mindischo kola a titah, iꞌdaasenyi ꞌdooꞌdi goorat lawahe koo kalday laka ma imalin.

Kolossaay 4:1

Atinhi kamurree laka saggi atin goobi Waakh ka Kamuroo ikhabtaan a garattaan gone, taba giꞌde ilbooyyetiin saggi mujjume iwoywoya, toro geeddi mujjume guta.