Efeesso 6:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ A mehe wihi atin garattaan, eti bowꞌdee ommos ki bowꞌda ieheynan eheetteey ka ba, Kamur enenyet tuumman wihi haaggane us yeelo ka kalaꞌd a guta.

Efeesso 6:8 Referans Kwoze

Kolossaay 3:24

A mehe saggi atin igarattaan u, Kamur wihi atin muꞌdan iꞌdi kalaꞌdeet u a atin guta. Kiriistohi Kamure ihila.

Luuka 14:14

At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Mattaayo 6:4

ꞌdee wihi at siisso dagsi on a eheetti. ꞌDeerka Aabbahaahki wihi dagsi ka layeelo argo, kalaꞌd a kiguta.

Ibiraaniya 10:35

Maantaka jiti atin roorro laan Waakh kakhuuftaan aꞌdiinna. Saggi jeentetaas u kalaꞌddi buure atin liiguto kasooꞌhela.

Ibiraaniya 11:26

Usu ka la lakhaanyoti us jeente Kiriisto iꞌhelo leedeefta, kamurroonki us ili Miissiri kaꞌhelo ka. Iꞌdi tahe usu kalaꞌddi buurenye berri Waakh guto, iche rerreege.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Mattaayo 6:1

Yeesso toro wihi us ꞌdooꞌd iyidah, “Chirri atin ꞌdooꞌd haag iyeessaan, wahaas saggoo ꞌdee enenyet atin ikoolicho iiyeelina. Chirri atin iꞌdaas yeessaan Aabbahiinki serey jiro kalaꞌd us atin guto mele.

Mattaayo 5:12

Girꞌdaama weyti hamaada giꞌde. Waakh goobiis ka kalaꞌddi buurenye atin gutaa. A mehe ꞌdooꞌdi Waákh íyeyyeedo goorat saggaas on sina liiomhiche.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

Kolossaay 3:25

Eti khuf yeelo kalaꞌddi khufaas a igunnanta. Waakh la enenyet tuumman ekka yeya.

Mattaayo 20:7

“Wihi icho ilaabeen, ‘Et nah kireeste mele.’ “Wihi us icho iyidah, ‘Atin laka nyaama goseey hil kahaaggicha, amba mujjum atin gutaa.’