Efeesso 6:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Bowꞌdayyo, taba kamurretiinti harrata walah tuumman ka yeedicho raaha. Inkaanyit ka ichoow roorro ka wihi icho ꞌdoonaan tuumman yeela, uuri haaggan ka la yeela. Saggi atin Kiriisto ikihissaan on icho laka ihila.

Efeesso 6:5 Referans Kwoze

Efeesso 5:22

Deyyeho, taba makhaaballetiin aficho akutina, saggaas atin Kamur afiis ikutin u.

1 Beetero 3:2

miꞌdabe ichoow jiroti inkaanyite icho jiraan ka a lasoojiito.

Fiilemon 1:16

ꞌDeerka us kola bowꞌda menye, bowꞌda a kadeefa, a iꞌdi walaalaahki at weyti ꞌdoonto. An usu weyti ꞌdoona, iꞌdaasenyi ꞌdooninti at usu ꞌdoonto iche weyti kutta. A mehe saggi weeli enenyet u ichoow Kamur ka us a walaalaahha, usu a ꞌdoonta.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.

Mattaayo 8:9

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Mattaayo 6:24

“Et kamur lamma ifalo mele. A mehe koo a ꞌdiiꞌdda ki addan la ꞌdoonta, toro la koo inkaanyitta ki addan la ꞌdarraawta. Waakh ichoow chilimme ba koloo kalday ma ifasso.

Efeesso 6:24

Waakh ba ꞌdooꞌdi tuummane Yeesso Kiriistohi Kamureene ꞌdooninti imassan ka ꞌdoono imaala.

2 Koriinto 7:15

Ulla ꞌdooninti us uuriis ka atin ꞌdoono weyti buuraatta, geeddi us saggi atin aytiis idaagteene toro atin usu roorro ichoow inkaanyit ka imartiisatteen kasooꞌhelo.

1 Koriinto 2:3

Maanti an atin iimiy an a ꞌdarneete toro la weyti hamar kaseehe jeenteti an roorro ikhabuu.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Mattaayo 6:22

“Ile iꞌdi taa u sar banaye ikeenta. Chirri indohaah haagganyahiin sartaah tuumman banaye buuha.

Rooma 9:3

jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna.