Efeesso 5:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

Efeesso 5:2 Referans Kwoze

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Kolossaay 3:14

Haaggaas tuumman ꞌdirihicho la ꞌdooꞌdi isꞌdoono ateeha. ꞌDooninti islaꞌdoono la, ꞌdooꞌd Kiriisto tuum wohoo kaldaye kayeessa.

2 Koriinto 2:15

Iꞌdi tahe jiroteen Waakh ka, a uyuug Kiriistoki haaggan. Uyuugga la ꞌdooꞌdi Waakh ribo ichoow ki baabaa kijiro ba goychooda kijira.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Koriinto 16:14

Wihi atin haaggissaan tuumman ka, ꞌdoonin kahaaggicha.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

1 Yoohana 3:16

Saggane wihi ꞌdoonine tahe igaranna. Yeesso Kiriisto jirotiis a inno isoobahche. Inno laka innohi ꞌdooꞌdeenki Kiriisto rummeeste jiroteen ibihinno laꞌdoona.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

Efeesso 4:15

Inno kol dakkhan ꞌdoonin ka ayti rummaat on isicheekna ꞌdee jitat tuumman ka weynaanna, iꞌdi Kiriistohi matakki ꞌdooꞌdiise nateeh.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

1 'Dessaloonika 4:9

Toolla walah ꞌdooninti atin isꞌdoontaan miinsane atin laatahiine nah atin isoochiirro mele, a mehe Waakh rubeytiis saggi atin isiꞌdoontaan a atin abche.

Efeesso 4:2

Taba kol tuumman isnuglaacha toro la ꞌdooꞌdi samacchaare ateeha. Garrahsada, toro la jeenteti atin isiꞌdoontaan u ꞌdooꞌdi addan akaahhollowina.

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Ibiraaniya 9:23

Waha inno kayeyyeene a iyookkoti wihi goobi Waakh kijiro gone, saggaase liidikha. Iꞌdaasenyi wihi goobi Waakh kijiro wihi dikho, a soorriyoyyohi wihi harrata kussan.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Efeesso 5:25

Makhaaballe taba, saggi Kiriisto ururiis iꞌdoone us jirotiis icho ikasoobahchuu, atin laka oboorrihiin ꞌdoona.

1 Koriinto 5:7

Taba saggi booddati makaate fuurisso liibahchuu, atin laka uskeel tuum goytiin kabahcha, ꞌdee ꞌdooꞌdi husub ateeha. Atin rumanka a iꞌdi makaateti booddataas fuurisso ikhabin. Iꞌdi tahe Kiriistohi heleenkeenki Baasakkee a lasoorriyooche.

Rooma 4:25

Waakh Yeesso a soodiibe, jeenteti uskeeleen iyumuyye, Waakh la usu omoot kasookahche, ꞌdee Waakh ꞌdooꞌdi fiffissan inno iekkaacha.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Rooma 8:37

Mele gon! Chirri wahanyeyyoha tuumman inno isoobahaan laka, inno ꞌdooninti Kiriisto inno ꞌdoone ka, a ꞌdooꞌdi tuum soorin leh!

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Efeesso 5:15

ꞌDeerka saggi atin ijirtaan weyti yuubsada. Saggi ꞌdooꞌdi ꞌdalammee iijirina, iꞌdaasenyi saggi ꞌdooꞌdi kharayyee ijira.

Fiiliffi 4:18

A mehe wihi atin isooeregteen tuumman a ꞌhele. Geeddi an jiroteey ka ꞌdoono laka ꞌdirihicheeda ꞌhele. Toolla Ebaabara siimohi atin ani isooeregteen tuumman ikeene la, wihi an ꞌdoono tuumman a khaba. Waha a iꞌdi soorriyoti uyuugenye Waakh liibahcho, toro Waakh kahamaado.

Ibiraaniya 8:3

Kuhaanihi weyti ween tuumman hiliis a ki us siimo ichoow soorriyoyyo Waakh ibahcho. ꞌDeerka kuhaaniheenki weyti ween laka a imasse chirri us Waakh wohoo ibahcho.