Efeesso 5:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Taba wahanyeyyohi ꞌdooꞌdi mugꞌdi goya kijiro gurnaan idelin iꞌdaaru laka araahina, wihi icho yeelaan ꞌdow isoobahcha.

Efeesso 5:11 Referans Kwoze

Rooma 13:12

Ibeen kola a kute, il a soobarya. Maantaka taba, wihi suujenye mugꞌdi kasootaba. Birti haaggane banayeet okhsada, ꞌdee uskeel diha.

1 Timooti 5:20

Weynaanti uskeel yeesso urur Kiriisto ortiis ka a laleejaakho, ꞌdee ꞌdooꞌdi addan uskeeli us yeelo a karooro.

2 'Dessaloonika 3:6

ꞌDooꞌd Kiriistokaaw, anto Yeesso Kiriistohi Kamure ka amurane atin ibihinna, taba eti tuummane Kiriisto rummeeste ollomenye, jiroti wihi nah atin abinne miinsan ijirin kaseeha.

Rooma 16:17

ꞌDooꞌd Kiriistokaaw, a atin hawwaasdee taba, ꞌdooꞌdi seley atin fido ichoow ꞌdooꞌdi halgo atin gelo, wihi icho atin idowaan wihi atin laabche buusanyahiin yuubsada. ꞌDooꞌda dakkhan kaseeha.

Bakkaahit 18:4

Toro hooyoo goobi Waakh ka sooyeedo daage wihi us yidah, “ꞌDooꞌdaaw, kaaleya Baabiloon goya kasoobaha, ꞌdee uskeeli iche kajirto, aleegelina, ꞌdee sinati Waakh iche kawaaricho la aꞌhelina.

Tiito 2:15

Wahanyeyyoha ꞌdooꞌd abiche uuricho miigooche, toro la antohi tuum lakisiiche ka leejaakh. Uus etoo kalday laka kiꞌdarraawin.

2 'Dessaloonika 3:14

Chiꞌ etoo wihi nah khadaaba ka atin abinne iraahin, etaas isicheeka kaseeha, ꞌdee lakhaanyo a khaatatti.

Rooma 6:21

Uskeeli atin yeesseene toolla la atin kalakhaanyeysattaan, indigir us atin ikeene mele. Wihi us keeno dakkhamba a omoot on.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

Galaatiya 6:8

Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela.

1 'Dessaloonika 5:7

A mehe ꞌdooꞌdi urꞌdo ibeene urꞌda, ꞌdooꞌdi meleefu yateeh la, ibeene meleefu yateeh.

Luuka 3:19

Iꞌdaasenyi maanti Yoohana ꞌHeroodhi gaafanee jeente ꞌHeroodiyati makhaabál walaaliisenye us diste ichoow suujoonki noole ꞌHerood ꞌhor yeele leejaakhuu,

Efeesso 5:7

Maantaka ꞌdooꞌdi uskeelaas yeelo awalhinna.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Mattaayo 18:15

“Chirri etaahkoo koo Kiriistee uskeeloo kiyeele, iiro saggi us uskeel kiyeele icheeke, lammatiin on la a eheetti. Chirri us kidaage, etaas a sooholisse.

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Efeesso 5:12

Iꞌdi tahe a lakhaanyo laka chirri inno wihi icho dagsi ka yeelaan kaayyeeno.

Kolossaay 1:12

Waakkhi Aabbaheene kalaꞌd ilaabtaan. A mehe us atin ꞌdooꞌdi Waakhe goobi Waakhe ababo dalho leedalhin yabuuꞌd a atin kayeele.

1 Timooti 5:22

Etoo dowwa on dahan akorinne weynaanti urur Kiriisto woyto akayeelin. Iꞌdaas ka uskeelicho ma leegisanto. Ati rubeytaah la miꞌdab iskayeel.