Efeesso 4:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waha kamalda bal, yeeda maanta, “Sereye ikore,” essi mehe kaabanna? Waha mehe inno abchaan ya, us harra goyaka laka inti weyti ilaate isookhubte.

Efeesso 4:9 Referans Kwoze

Yoohana 3:13

Ínam Aadamhi goobi Waakh kasookhubte on menye, et addane injire goobi Waakh ikore mele.

Mattaayo 12:40

A mehe Yoona maan seyyah ibeenkiche khabto uuri bahaggoo buurenye goya kajire. Ínam Aadam laka saggaase maan seyyah hawwaal ikabarya.

Yoohana 6:33

A mehe gololi Waakh ꞌdooꞌd siicho a eti goobi Waakh kayamiite, weeli enenyete harrata jiroti jirtuu imassan siicho.”

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

Yoohana 20:17

Yeesso chirraakka wihi us iyidah, “Iikhaban, iꞌdi tahe an uliba Aabbaheey ma inokhan. Nyaame, ꞌdooꞌdi irummeeste iiro, saggi an eti Aabbaheeyenye toro icho laka Aabbahichee ikanokhdi, icheek. Ulla a Waakkhaaya, toro la a Waakkhichooda.”

Ibiraaniya 2:7

At icho herti Waakh geeddoo nucchul on kasoonuglaasse, a iꞌdoo at ꞌduub korisse at saggi at iweynaasse toro la liinkaanyito at irummaasse,

Yoohana 8:14

Yeesso wihi us ilaabe, “Chirri an awteey kaayyeedo laka, wihi an eldi a rum. Iꞌdi tahe inti an kiimiy a garda, toro la inti an isohdi a garda. Iꞌdaasenyi atin inti an kiimiy ma garattaane, ommos inti an isohdi ma garattaan.

Yoohana 6:62

Eemba Ínam Aadam usuhi inti goorat us kijire ikoro a agarteen?

Yoohana 6:58

Maantaka gololi goobi Waakh kayimiy a kane, golola la iꞌdi gololi goorat aacchinyetiin tuhuyye saahka tuunte mee. Iꞌdaasenyi eti golola yuhum jirtuu tuumman a jira.”

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Yoohana 6:41

Jeenteti Yeesso, “An a gololi goobi Waakh kayimiy,” iyidah u, ꞌdooꞌdi Yaꞌhuud nyunnyuwe.

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.