Efeesso 4:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Iꞌdaasenyi Kiriisto eteemba haaggi Waakhe buure a siiche, ulla saggi liigiso a gooche.

Efeesso 4:7 Referans Kwoze

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.

Efeesso 3:2

Saggi dakhi haaggi Waakhe buurenye atin iroon ani liisiiche a daagteen gon.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Mattaayo 25:15

Koo ugar chan chilimme buuhto siiche, koo la ugar lamma chilimme buuhto siiche, koo la ugartoo kaldaye chilimme buuhto siiche. Ugare ba la chilim alif chan ꞌdahabe khabta. Ebba la geeddi us yabuuꞌde dahan gesse, ꞌdeerka sulhaassiis irte.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.