Efeesso 4:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Efeesso 4:14 Referans Kwoze

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

1 Koriinto 14:20

ꞌDooꞌd Kiriistokaaw, saggi nyaakhut iimalanna. Iꞌdaasenyi anki uskeeli layeelo ka, iꞌdi nyaakhuti rurrucchul ateeha, mali atin malattaan ka la, ꞌdooꞌdi wewweynaate ateeha.

1 Yoohana 4:1

Aalasseeyki an weyti ꞌdoono, eti tuummane rubeytoo woyto mee rummeysattaan. Iꞌdaasenyi taba ꞌdooꞌdaas rubeyohoo woyaan fiiricha, ꞌdee wihi icho atin abchaan icho Rubeyti Waakh kayimiy fiiricha. Iꞌdi tahe ꞌdooꞌdi ittaawenye ꞌdooꞌdi Waákh íyeyyeedo iskaayyeelo harrata a itabe.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

Yaakoobo 1:6

Iꞌdaasenyi eti Waakh walah daaho, uus uurlammaal khabine, saggi Waakh wahaas us daahe isiicho a kakhuufo. A mehe eti tuummane uurlammaal khabo, a iꞌdi irti beyti buure goyaka hafar kolba ankoo ilaabo.

Efeesso 6:11

Gaaddi diho Waakh atin siiche tuumman gessada, ꞌdee ekkeysihi Seytaan ka mujjum tolola.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

2 Timooti 4:3

A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

Yuuda 1:12

ꞌDooꞌda a iꞌdi duksakki atin biꞌdirroocho chirri atin daawti ꞌdooꞌd Kiriisto isleegolossati atin gessaan. Icho heebtoo rucchul laka ma argaane, toro la wihi awtichooda on rirrihaan. Icho a iꞌdi mirisi hafar guuricho, bicche laa. Icho a iꞌdi geeyohi hayohi gurnaan lasugo ka gurnaankoo rucchul laka ikhabin. Icho hiiyyaye lakasoobukkhiche. Icho rumanka a tuumeen.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Galaatiya 3:1

ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!

Mattaayo 24:11

ꞌDooꞌdi ittaawenye ꞌdooꞌdi Waákh íyeyyeedo iskaayyeelo a buuraata, ꞌdooꞌdi ittaawe ekkeesta.

1 Yoohana 2:26

Wahanyeyyoha an atin isoochiiro, ꞌdooꞌdi jit atin bujin ꞌdoono miinsanyahiin.

2 Timooti 3:13

ꞌDooꞌdi uskeel kaassohti ichoow ki enenyet ekkeesti la weyti suujowaane, ꞌdooꞌd ekkeestaane icho la leekkeesta.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Mattaayo 11:7

Chirra abatti Yoohana nokhatti ka, Yeesso Yoohana woriis urur kaleeyyeede wihi us yidah, “Bal wihi atin hidaad ka iratteene sooagarteen kamalda. Etoo ꞌdabakhenye iꞌdi hoosi hafar sesseehicho mee iratteene agarteen.

1 Koriinto 12:2

Geeddi atin Waakh igaran, saggi ambaaw atin liiwoye ka atin liibaabiiche, atin iyookkoyyohi af laa iwahatteen, a garattaan.

Hilassi Ergaano 23:21

Alla icho adagansan, iꞌdi tahe ꞌdooꞌdi dagti usú jit ka sugo tomon affar laka a kuta. Icho la a daatteene, sammata icho usu iigaasan ma golossataane ommos bicche laka ma yabhuubiin. Icho la toolla yeedicho a massicheene ati on ayye kaasugaan.”

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

Yaakoobo 3:4

Bal toro iyookkoti koobanhi burbuurenye bey sarche kasohti hafari miige takho yeya. Iꞌdaasenyi khoꞌdoonkoo hafan on koobanhi buure lakawoya inti eti woyo geen ꞌdoono lakageecha.

1 Timooti 3:6

Toro la eti inkoo dow Yeesso rummeeste mee. Jeenteti dowwa on liisoobahchuu a geeddi us weyti serey isgeecho, iꞌdi Seytaan u lahukkumo.

2 Timooti 1:15

Saggi at igarattuu, ꞌdooꞌdi boroofenhi Aassiya kacchiis, Fiigela ichoow Hermagoon khabaani, adah a ikakhabte.

1 Koriinto 3:19

Iꞌdi tahe kharati ꞌdooꞌdi harrata, Waakh ka a ꞌdalammoon. Iꞌdi liichiiruu, “Waakh ꞌdooꞌdi kharayyee kharatichotaas on kakhabta.”