Biblia Todo Logo
Bib sou entènèt

- Piblisite -




Efeesso 4:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

12 Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

Gade chapit la Kopi




Efeesso 4:12
45 Referans Kwoze  

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.


Atin tuumman a sar Kiriisto, etiin ba la sarta ka a miiloo.


ꞌDooꞌd Kiriistokaaw, ani rubeyteey saggi wihi hahhaaggan atin ibuuhaane, wihi ꞌdooꞌd Kiriisto miinsan tuum igarattaane toro la iswaanin itabuuꞌdiin a tissiba.


ꞌDooꞌd Kiriistokaaw ꞌdeerka mehe incheenka yeessaan? Maambaaw atin kulantaan, etoo geeyoo us Waakh idowo khaba, etoo wohoo us enenyet abcho khaba, koo laka wohoo Waakh ibabbakkaahiche khaba, koo laka afi Rubeyti Munyeenye kaayyeeda, koo laka afaase laaba, ꞌdeerka waha tuumman saggoo icho urur Kiriisto imiigoochaan iyeela.


Maantaka taba giꞌde wihi nebey keeno ichoow wihi inno iskamiigoonno hol a kadowno.


An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.


Waha ꞌdeerka atin laka a atin miinsanyahiin. Atin siimohi Rubeyti Munyee kayamiit weyti yowattaan gone, weyti tirriinsada ꞌdee siinti urur Kiriisto disso yowda.


Weynaantiin wihi iche atin idowto daaga, antohicho la akutina. Iꞌdi tahe ꞌdooꞌda jeenteti us atin iyaakhicho u, koloo kalday laka ma naso. Icho la hila berri saggi icho ihaaggicheene, Waakh worsata. Chaꞌatin wihi icho atin idowaan raahtaan, hilicho hamaade kahaaggichaan. Iꞌdaasenyi chaꞌatin idaagin la, hil a leemiigoossaane, waha la indigir icho atin ibahaan mele.


Maantaka orey isohanni, kakhuufnaanki inno Kiriisto kakhuufno ka soonnaanneti ꞌdooꞌdi Kiriisto ka iiꞌd khabo miinsan, a raahno. Wihi Kiriisto miinsane inno kolooraat abanne iꞌdi maanta sohoti omoot keeno inno kasoonokhanni ichoow saggi inno Waakh ikakhuufno illehe, kakunno giꞌde.


Uus ꞌdee hili Waakhe nah haagginno wohoo suuje lakaargine, wohoo rucchule enenyet tarraantarricho nah yeello laka ma jiraan.


Waha tuumman la Waakhe yeela. Ulla Kiriisto ka weeli enenyet ankiissa keene, toro la hila Waakhe enenyet anki Waakh lakeeno inno korche.


Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”


Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.


Arkiiba la wihi atin itadeehiin, “Tabe hili Kamur dahantaah soogesse, rumanka massi.”


Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.


Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.


Urura la a iꞌdi sar Kiriisto. Usú sagag tuumman ka imaala, toro la sagag tuumman ka walah tuumman ka ibuuhicha.


Chirraas tuumman kol nah ortiin ka isribno koogtahiin? Nah Waakh ortiis ka saggi ꞌdooꞌdi icho ichoow Kiriisto wohoo kalday yahiine iyeyyeena. Aalasseeyki an weyti ꞌdoono wihi nah yeello tuumman la a atin miigoochaan.


Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.


Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.


hili Rubeyti Munyee ababnaankiche weyti ma kuto?


Iꞌdi tahe chirri an afi Rubeyti Munyee ka Waakh wahdi, rubeyteey ka a weesda, iꞌdaasenyi maleey indigir us ꞌhelo mele.


ꞌDee maantaas an goytiin imiy la, wihi an tissibo buuh Kiriisto tuume atin ileeamiit.


Eteemba ꞌdooꞌd Kiriisto a kahamaadicho, wihi haaggan a iyeelo, ꞌdee rubeyohicho a disno.


Chirri siinti Waakh kisiiche ti enenyet liihilo tahe, enenyet ihil giꞌde. Chirri siintaah ti enenyet walah laabcho tahe, enenyet mujjum wihi rummaat abi giꞌde.


Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.


Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.


Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.


ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.


ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”


Us a keenyokoowe hila Waakh a nah kaleejire.”


Luuka kaldaye toolla ileejira. Maanti at tamiit Marko sookhaate issooraaha, a mehe us hili Waakh ka gargaari buurenye ikhaba.


Yeedi ꞌdooꞌdi addan gaameero uus afiin leeimaatane, yeedassi ꞌdooꞌdi gargaar ꞌdoono gargaaro toro la uur miigoocho on kaayyeeda. Iꞌda ka la ꞌdooꞌdi atin daago buuhi Waakhe ꞌhela.


Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.


Chirbaaw nah ꞌdarannahe atin la miigtahiin, nah a hamaana. Weysiheenyo la a Waakkhi tuum atin isoobuuhicho.


Iꞌdaasenyi Waakh ebba jitoo yeerenye Rubeyti Munyee goyteen kafiddiito lakaargo a siiche, waha la a indigirti ꞌdooꞌd Kiriisto tuumman on.


saggaas on u innohi ittaawe laka, jeenteti inno ichoow Kiriisto ba wohoo kalday inahuu, a iꞌdi sartoo kaldaye miilassi ittaawenye iskaattoollo khabto.


ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.


Swiv nou:

Piblisite


Piblisite