Efeesso 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Usuhi sookhubte, usuhaas on serey ikore, serey ka intaas weyti kutto ikore, serey tuumman ichoow harra tuumman buuhiche.

Efeesso 4:10 Referans Kwoze

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

Ibiraaniya 4:14

Maantaka kuhaanihi weyti weene goobi Waakh irte a khabna. Waha la a Yeessohi Weeli Waakhe. Taba giꞌde kakhuufnaanki inno Waakh kakhuufno inno cheekanni ka, mujjum a tolossanni.

Kolossaay 2:9

A mehe tuunki Waakh sarti enenyete Kiriisto kayaal.

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

Mattaayo 24:34

Rume atin icheeka, ꞌdooꞌdi iꞌdee ma tuumo ichoowka wahanyeyyoha tuumman yateehiin.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.

Hilassi Ergaano 1:9

Inkoo us yeedaas yidah ka, iche ꞌdeyꞌdoossaayi, Yeesso serey liikorche, mirisoo la icho kadagche.

Ibiraaniya 8:1

Ayti nah elanni talla, rumanka kuhaanihi weyti weene goobi Waakh ka komborti antoote Waakkhi Weyti Ween ankicheki miigeet ka meessi lakiinkaanyito fiddiyo a khabna.

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Hilassi Ergaano 1:11

“Era atinha boroofenhi Gaalilaaya!” yidah, “A iꞌdoh itolossaane serey iꞌdeyꞌdoossaan? Yeessoha atin lakakhaate serey lageeche, saggaas atin iagartaane us serey iirti on isoonokhta.”

Yoohana 19:36

Waha la a yitaaheene, ꞌdee wihi Chiirnaanneti Waakh ka lachiire labuuhicha, “Laftiistoo kalday laka ma lajebcho.”

Yoohana 19:28

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Yoohana 19:24

Iskare wihi iche isitidah, “Uus inno khakkharadinne, kaaleya kura a iguꞌdubno, eti khaatti a agarro!” Waha la a yitaaheene, ꞌdee Chiirnaanneti Waakhe iꞌda tadeeh labuuhicha, “Darfoheey a gismeene, toro la dafarteeyti goyaatteet kura iguꞌddeen.” Wihi iskare yeesse ꞌdeerka a wahaas.

Yoohana 1:16

Yeesso Kiriisto tuunki haaggiiski buure ka, buuhiis a inno ikasookhakkhaye.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

2 Koriinto 12:2

An etoo usu ichoow Kiriisto wohoo kalday yahiine guꞌh tomon ichoow affar kutte goobi Waakh ka inti seeyyahnaatteet liikorche a garda. Sar kijiryeey ommos sar ma kijirineey ka ba an ma gardi, Waakh on garta.